Отечествань аралаень шить мархта Мордовия Республикань Оцюнять аф лама пингс тевонзон тиендиснон поздравленияц

Отечествань аралаень шить мархта Мордовия Республикань Оцюнять аф лама пингс тевонзон тиендиснон поздравленияц

Россиянь Вооруженнай виень кельгома солдатт и офицерхт! Армиянь и флотонь кельгома ветератт! Примасть седи ваксстонь поздравлениятнень Отечествань аралаень шить – афкуксонь алятнень, виихнень, мужественнайхнень и ваймонь ширде кеме ломаттнень иласнон мархта!

Государстваньконь воинскяй летописьсонза аф кржа сяськомань лопаняда, конат сявондьсазь ушетксснон сире пингста сявомок, няфнесазь поколениятнень еткса аф сязеви сотксть. Минь фалу карматама мяляфтомост Мордовиянь ломаттнень, сятнень, кит честь мархта аралакшнезь странаньконь воляшинц и лиятнень эзда аф ащеманц, пяшкотькшнезь ратнай долгснон аф фкя лацонь конфликттнень эса, лац решандакшнесазь инголест путневи задачатнень тячи.

Республикась путнесы эсь путксонц государстваньконь обороноспособностенц кемокснеманцты. Ковылкинскяй районца работай загоризонтнай обнаружениянь радиолокационнай станциясь, ламоц предприятияньке работайхть марса Оборонань министерствать мархта, ноляйхть продукция, кона отвечай сембе вешфксненди. Минь призывниконьке пара койс коре лувондовихть фкя инь шумбракс и аноклафокс Приволжскяй федеральнай округса и странаса. Мордовияса парста вииякшнихть кадетскяй, патриотическяй, поисковай отряттне, юнай армеецнень движениясна.

Благодарностень башка валхт мялезе азомс сятненди, кие тяниень пингть ащи боевой постса, достойнайста няфнесы республиканьконь Российскяй армияса.

Седи ваксста арьсян теенть, тинь радня и мала ломанентенди кеме шумбраши, цебярь эряф, согласия и сетьме менель Родинаньконь вельхксса!

 

Мордовия Республикань Оцюнять аф лама пингс тевонзон тиендисна А.А.Здунов