Правительствать Председателенц заместителец — ЖКХ-нь и энергетикань министрсь Игорь Чадов пачфтсь муниципалитеттнень сёксень-тялонь пингти анокшиснон колга. Дополнительна республиканскяй бюджетста нолдаф 50 миллион цалковай райоттнень эса оборудованиянь и запаснай частень резервать пяшкодеманкса. Премьер-министрсь Владимир Сидоров китькстазе тя работать оцю значениянц уштомань пингть авариянь аф нолдаманкса и макссь поручения Ардатовскяй, Атюрьевскяй, Большеберезниковскяй, Зубово-Полянскяй, Инсарскяй, Ковылкинскяй и Кадошкинскяй райононь оцюнятненди виияфтомс сонь ётафтоманц.
Ванфтольхть Саранскяйса экологическяй безопасностть цебярьгофнеманц коряс дорожнай картать эряфс ётафнемань васенце итокне.
2023-2027 кизотнень арьсекшневи одкстоптомс Саранск ошса очистной сооружениятнень. Работатнень питнесна арай 10 миллиотт цалковай.
Старошайговскяй райононь оцюнясь Геннадий Мухин азондсь 2022 кизонь 9 кофнень итокснон коряс муниципалитетть виияфнеманц колга. Кизоть ушедомста эряфс ётафтф мзярошка инвестиционнай проект, тяконь лувксса Новотроицкое велеса пекарнять, Од Федоровкаса сыроварнять строямаснон, районнай центраса кафень панжемать коряс. Кафта предпринимательхне сатсть «Агростартап» грантт животноводческяй фермерскяй хозяйствань панжеманкса. Тя проекттне лездыхть водендамс муницпалитетть экономикас сатомшка оцю инвестицият и панжемс рабочай 16 васта.
Муниципалитетсь вяти активнай работа ломаттнень самооблаженияснон коряс, нацпроекттнень и госпрограмматнень мяльса кирдезь мольфтеви кинь строямась.