Региононь руководительсь отмечазе, што Роспатентть мархта васедематне ётафневихть фалу, улихть договарённостть тя сфераса марстонь тевонь вятемать колга колма ширень соглашениять мяльса кирдезь. Мордовиянь Оцюнясь спасибась региононь предприятиятненди «Эффективная инвентаризация изобретений» семинарть ётафтоманкса, китькстамок сонь информационнай оцю значениянц.
«Минь республикасонк интеллектуальнай собственностть коряс путф кеме курс – арьсеф патенттнень пцтай 70 процентсна получаф ни, ётксост улихть евразийскяй заявкатка. Сембода главнайсь – кизоть аделавомс тейнек эряви ётафтомс РФ-нь технологиянь и инновациянь центратнень съездснон», - мярьгсь Артём Здунов.
Мордовиянь Оцюнясь стане жа азозе, што республикаса мольфтевихть активнай работат интеллектуальнай собственностень сфераса виияфнемань региональнай стандартть кемокстаманц коряс, тиевихть ниле центрат тонафнемань учреждениятнень эса, а стане жа келептевихть омбоце уровенень технологиянь и инновациянь ширень кирдемань центрань сетьсь «Саранский телевизионный завод» АО-ть и «Атяшевский» МПК-ть видеса.
Законодательнай уровеньца арьсеф «О снижении ставок по налогу на прибыль организации» республикань законти полафтксонь сувафтомась, конатнень мяльса кирдезь ладяви нулевой ставка прибыльть лангс налогть коряс.
Юрий Зубов спасибась Мордовиянь Оцюняти регионца интеллектуальнай собственностень сферать виияфнемаса лезксонкса: «Спасиба, мес максоде возможность ётафтомс Саранскяйса минь стартовай семинароньконь. Сембе предприятиятненди марстонь кизефкста башка минь старандатама работамс конкретнай производительхнень мархта. Тяфта, Мордовиянь кой-кона предприятнень сотрудниксна ётнихть миньцонк тонафнема. Вятихть марстонь тефт экспертнай уровеньца».
Васедемать пингста корхтафоль сяда товолдонь сотрудничендамать колга.
Мордовия Республикань Оцюнять пресс-службац