Мордовиянь Оцюнясь лятфтазе, што эффективнай управленческяй кадрань анокламань задачась ащи сембе региоттнень инголе. Главнай цельсь – тиемс государственнай управлениянь системать панжадокс и шарьхкодевикс ломаттненди. Сяс кадратнень мархта работась лисенди васенце планти.
«Сюкпря, мес муде пинге самс ширезонк, штоба пачфтемс опытонтень, - пшкядсь Артём Здунов инжихненди. – Миньцонк ащихть серьёзнай задачат кадровай резервать пуроптоманц коряс. Тя работать минь ушедоськ – ётафтоськ «Монь Мордовиязе» кадровай конкурсть «Россиясь – возможностень страна» АНО-ть ширень кирдеманц пингста. Лувондса, што проектсь мольфтеви сатомшка лац: эвондасть од ломатть, тяконь лувксса састь лия региотнень эзда, пуроптф «Монь Мордовиязе» экспертнай клуб, кона ащи самоуправленияса. Тяни важна поладомс тя ушеткснень».
Нижегородскяй областень государственнай управлениянь и государственнай службань департаментть директороц Сергей Бочаров азондсь КУПНО-ть работань ширензон колга. Университетсь мольфти тонафнема 50 образовательнай программас коре, ётафни управленческяй кадратненди комплекснай оценка, мольфти государственнай и муниципальнай служащайхнень трудснон эффективностенц касфнеманц коряс инь цебярь практикатнень тевс сувафнеманкса работа.
Васедемать итогонзон коряс саф мяльс поладомс сотрудничендамать.
Мордовия Республикань Оцюнять пресс-службац