Лятфтасаськ, што Мордовия Республикаса ушедсть Русскяй музеень Шитне. Прявкс событиякс арась великай русскяй пейзажистть Иван Шишкинонь выставканц панжемац С.Д. Эрьзянь лемса Мокшэрзянь республиканскяй изобразительнай искусствань музейса. Алла Манилова китькстазе, што Русскяй музеень Шитне Республикаса кармайхть ётафневома эрь кизоня. «Минь Эрьзянь музейть мархта особай отношенияньке - въдь 50 лама кизода инголе асу мокшэрзянь скульпторть работань оцю коллекцияц ульсь максф Севернай столицаста сонь шачема ширезонза», - мярьгсь сон.
Мордовиянь Оцюнясь китькстазе, што Степан Эрьзя – минь национальнай кенярдеманеке. Скульптурть эсь лацонь творчествац путозе сонь 20 веконь содаф ваятельхнень рядс. 2026 кизоня республикань прявкс культурнай событиякс арай минь великай земляконьконь шачема шистонза 150- це кизоц.
Арьсеви, што юбилейнай кизоть пингста скульпторть оцю выставкац кармай няфтьф Государственнай Русскяй музейса, Третьяковскяй галереяса и, конешна жа, С.Д. Эрьзянь лемса Мокшэрзянь республиканскяй изобразительнай искусствань музейса .
Алла Манилова китькстазе, юбилейнай датати Русскяй музейсь нолдай целай ряд культурнай проект, конатненди кучкакс арай Мордовиясь.
Республикань Оцюнясь сюконясь Государственнай Русскяй музейть директоронцты сотрудничестванкса и содазь мярьгсь, што мероприятиятне, сотфне С. Д. Эрьзянь шачема шистонза 150- це кизонцты, ётайхть оцю организационнай уровеньца и тердихть великай мастерть творчестванцты оцю мяль.
Мордовия Республикань Оцюнять пресс-службац