РФ-нь просвещениянь министрть васенце заместителец и Мордовиянь Оцюнять аф лама пингс тевонзон тиендисна ванозь, кода ладяф питаниясь Саранскяйса «Тавла» образованиянь центраса

РФ-нь просвещениянь министрть васенце заместителец и Мордовиянь Оцюнять аф лама пингс тевонзон тиендисна ванозь, кода ладяф питаниясь Саранскяйса «Тавла» образованиянь центраса

Шавшиста, 1 декабрьста, Саранскяйса етай «Совершенствование системы питания в образовательных организациях» II Всероссийскяй конференциясь, конань етафнесы Россиянь Просвещениянь министерствась. Мероприятияса, кона етай дистанционно-очнай форматса, азсть мяль примамс участия 1500 участниксь странань сембе региоттнень эзда. Федеральнай ведомствать эзда участвондай Россиянь просвещениянь министртьь васенце заместителец Дмитрий Глушко.

Мероприятиять рамкаса РФ-нь просвещениянь министрть васенце заместителец Дмитрий Глушко и Мордовиянь Оцюнять аф лама пингс тевонзон тиендисна Артём Здунов макссть оценка Саранскяйса «Тавла» образованиянь центраса питаниять ладяманцты. Синь ульсть столовайса, коса тя пингть обедасть колмоце классонь тонафнихне. Столовайсь арьсеф 500 вастонди, но тяниень пингть тяза фкя пингста сашенды сяда кржа идь – эпидемиологическяй ситуациять инкса синь озафнесазь социальнай дистанциянь кирдезь.

Стане жа инжихне ванозь медицинскяй блокть, бассейнать, тонафнемань класснень и школьнай мастерскойхнень.

 

Мордовия Республикань Оцюнять пресс-службац