Больницять ваномда меле Оксана Драпкина ётафтозе ПФО-нь терапиять, общеврачебнай практикать и медицинскяй профилактикать коряс профильнай комиссиять совещаниянц. ВКС-нь режимса теенза полаткшнесть марнек федеральнай округонь главнай аф штатнай терапевттне. Совещанияса примасть участия Мордовиянь Првительствать Председателенц заместителец Галина Лотванова и республикань здравоохранениянь министрсь Олег Маркин.
Оксана Драпкинать валонзон коряс, мекольдень кафта кизотнень врачне тонадозь колма ёфси од процесснень: COVID-19 урмаса сярядихнень амбулаторнайста пчкафнемаснон, коронавирусть каршес вакцинациять и крхка диспансеризациять. Тя процессне стандартизировандафтольхть. Сяс, кепотьксонди, вакцинациясь – кода мярьгсь Оксана Драпкина – тяни «работай кода частт».
Сон азозе, што российскяй диспансеризациять лаца лия аш. Тяфтама программа – питнефтома и лама ломанень пуропни – аш косовок марнек мирса-масторса! Сон лезни ванфнемс нациять шумбрашинц.
«Мордовиянь медицинскяй организациятнень эса работайхть аф озадонь седихть ащекшни ломатть, - мярьгсь Оксана Драпкина. – Здравоохранениять ширенц кирнесы республикань руководствась; ладяфт сотрудничендамань соткст врачнень и медицинскяй институттнень ёткса. Тянь эса – сатфксонь сатнемать юроц».
СМИ-нь представительхнень кизефксснон лангс отвечамста Оксана Драпкина китькстазе: Мордовиясь – регион, коса ламось тиф первичнай звенать - здравоохранениять фундаментонц виияфнеманкса.
«Оцю мяль тянди шарфни республикань руководствась, - мярьгсь Оксана Михайловна. – Кда корхтамс урматнень профилактикаснон колга, тя кизефксса Мордовиясь сяда лац няеви Россиянь лия региоттнень эшксса. Республикати оцю значенияц массовай диспансеризациять эреклафнеманц. Региононь эряйхненди важна шарьхкодемс: синь шумбрашисна и эряфснон кувалмоц – эсь кядьсост. Пожалняста, сашендода диспансеризацияс!»
Мордовияса улемстонза Оксана Драпкина васетькшнесь республикань Оцюнять Артём Здуновонь мархта.
«Регионца здравоохранениянь системати оценка макссь Росздравнадзорсь. Лихтевсть васенце вастти диспансеризациянь, первичнай звенать работанц мархта сотф кизефксне. Минь ули работань программаньке, эрьгавста примсетяма участия федеральнай проекттнень эса. Но тяни лезды тонь уровенень специалистть эзда любой советсь, мезть лангс тейнек шарфтомс мяль. Башка ётка пингста, конань максозе тейнек пандемиясь. Ковидть эшксс кяшевсть ламоц урматне, но синь ашесть юма», - мярьгсь Мордовиянь Оцюнясь.
Оксана Драпкина азозе, што регионца эсь ёткова пяк ладяй медицинскяй командась, мезсь пяк важна парста работаманкса.
«Кулсематнень кирьфтаманкса эряви сувафтомс полафткст диспансернай наблюденияти. Башка кочкамат ломаттне, конатнень улихть сядонга оцю пельксонь канды диагнозсна, тяфтама пациентта аф лама, и сявомс синь башка контроль алу. Дополнительна пуроптомат сят, кие сувси пельксонь группати. Кулсематнень кирьфтамасна – аф оцю технологиятнень эса, а профилактикаса и цебярь диспансеризациять эса», - мярьгсь Оксана Драпкина.
Сон стане жа азсь мяль мрдафтомс рабочай вастозост врачнень-профилактолокнень, кинь работасна сотф населениять диспансернай наблюдениянц мархта, пандемиять пингста синь водендафтольхть лия направленияс, а стане жа эреклафтомс специализированнай кабинеттнень работаснон.
Оксана Драпкина азозе, што регионть первичнай медлезксонь максомань системаса лама од специалистта, конат лац шарьхкотькшнесазь эсь тевснон и мяльсна лядомс покодема регионца.
Артём Здунов и Оксана Драпкина корхтасть стане жа ковидта меле шумбрашить кемокснеманц колга и кода тянь эса лезды крхка диспансеризациясь, а стане жа первичнай звенань специалисттнень коронавирусть каршес тюремати путксснон квалма.
Мордовия Республикань Оцюнять пресс-службац