2026 кизонь 5 августста Саранскяйса ётафтовсть торжественнай мероприятият, конат лемтьфтольхть святой праведнай воинть Феодор Ушаковонь - великай русскяй флотоводецть, Россиянь Военно-морской флотть и Мордовия Республикать менелень аралаенц и ванфтыенц канонизациянц 25 кизонь топодеманцты.
Святой праведнай воинть Кафедральнай соборсонза ётафтфоль Божественнай литургия, конань вятезе Санкт-Петербургскяй и Ладожскяй митрополитсь Варсонофий.
Илань мероприятиятнень эса примасть участия Россиянь Президентть Приволжскяй федеральнай округса полномочнай представителец Игорь Комаров, Мордовия Республикань Оцюнясь Артём Здунов, Россиянь Военно-морской флотонь, духовенствань представительхне, региононь эряйхне и инжихне.
Божественнай литургиять аделамда меле ётафтфоль крестнай ход адмиралть памятниконцты Соборнай площадьса–тяса ульсь илань молебен и путфтольхть панчфт Н.А.Римскяй-Корсаковонь лемса Россиянь Военно-морской флотонь оркестрать музыкальнай сопровождениянц коряс.
Россиянь Президентть ПФО-са полномочнай представителец Игорь Комаров китькстазе, што Фёдор Ушаков ащи рузонь морякнень аф пелемань и кемошинь символкс, Российскяй флотть аф сяськовоманцты, праведностень кепотьксокс. «Лемоц зрнянь букваса тяштьф Россиять историяс. Адмиралсь сяськондсь тюремань паксяса, пяк виияфнезе военнай наукать, кемокснезе отечествать авторитетонц международнай ширеса, фалу заняфоль благотворительностьса. Фёдор Ушаковонь лемс лемтьфт кемотть ульцят и военнай суднат, теенза путф лама памятник, тяконь лувксса и ичкозе Россиять эзда. Колганза мялямть ванфнесазь миллиотт ломань, конатнень кеняртьфнесыне сонь кемошиц, арьсефти молемац и лама асунза. Сонь эряфоц–седи ваксста верондай ломанть, полководецть, патриотть и великай государственнай мирдть эряфсна», - мярьгсь сон.
Мордовиянь Оцюнясь Артём Здунов китькстазе: «Тячи оцю события Россиять и Мордовиять эряфса. Поздравляндасайне сембонь менелень покровителеньконь–адмиралть Ушаковонь канонизациянц шинц мархта. Арьсян, штоба тя койть кандолеськ лама кизот. Сюкпря сембонди, кие 25 кизода инголе маштсь ванфтомс тя мялямть, сатомс тя мяльть. Сюкпря од ломаненьконди, конат тячи тясот–ваность, мзяра од ломаньда! Сюкпря сембонди, кие сась лия региоттнень эзда, и башка спасибамань валхт–Россиянь Военно-морской флотть главнай командованиянцты. Исяк ВМФ-нь главкомсь Александр Алексеевич Моисеев ульсь республикаса, якаме Санаксарскяй монастыри, тячи мархтонк главнокомандующайть заместителец - земляконьке Владислав Валерьевич Павлов. Китькстаса: ингольдень поколениятнень мархта сотнесамазь кафта оцю ширетне: кемаманьке и геройхнень колга мялямоньке, коса васенце рядса–адмиралсь Ушаков».
Мордовиянь Оцюнясь макссь казнет. Мордовия Республикань Оцюнять указонц коряс межнациональнай мирть и согласиять кемокстамаса оцю путксонкса, духовно-нравственнай койхнень ванфтомаса и виияфтомаса оцю путксонкса Мордовия Республикань Ялгаксшинь орденца казьфт Санкт-Петербургскяй и Ладожскяй митрополитсь Варсонофий и Ташкентскяй и Узбекистанскяй митрополитсь Викентий.
«Мордовия Республикань Почётнай гражданин» лемсь максф Саранскяень и Мордовскяй Митрополитти Зиновиенди. МР-нь Почётнай гражданинть лемс кайгсь Мордовия Республикань Государственнай гимнась.
Санкт-Петербургскяй и Ладожскяй митрополитсь Варсонофий мярьгсь: «Тейне оцю честь улемс тя оцю иласа, кона лемтьф святой праведнай воинть Феодор Ушаковонь канонизациянц 25 кизонь топодеманцты и кафедральнай соборть святиндаманц 20 кизонь топодеманцты. Стане жа тейне оцю честь кандомс теенть бславама и поздравляндама Святейшай Патриархть Кириллонь эзда, кона псиста кельгсы адмиралть и фалу эсь проповедензон эса вятьсы сонь кода Отечестваньконди служамань кепотькс».
Саранскяй и Мордовскяй митрополитсь Зиновий китькстазе: «Арьсян, штоба святой праведнай воинць Феодор Ушаков, рузонь Победань кандыеньке, кемокснелемазь благочестияса, фкя лаца улемас а и Родинати служамаса». Мордовскяй митрополиянь Оцюнясь макссь церькавонь казнет. Рузонь Православнай Церькавонь Саранскяй и Мордовскяй епархиянь Святой праведнай воинть Феодор Ушаковонь васенце степенень медальса казьф Мордовия Республикань Оцюнясь Артём Здунов.
Святойкс арамста 25 кизонь топодемати юбилейнай медальса казьфт Мордовия Республикань Государственнай Собраниять Председателец Владимир Чибиркин, Мордовия Республикань Оцюнять и Мордовия Республикань Правительствать Администрацияснон руководителец Булат Хайрутдинов, «Надежда» идень и вярикасыксонь республиканскяй социальнай приютть директороц Татьяна Барашихина, Саранск ошень округонь 19№ гимназиять историянь учителец Иван Гречишкин, «Троицкое» Саранскяй хуторскяй казачай обществать атаманоц Владимир Рыбин, Саранскяй духовнай семинариять попечителец, «МордовАлкоПром» ООО-ть генеральнай директороц Евгений Сидоров.
Тяка шиня Игорь Комаров и Артём Здунов ульсть святой праведнай воинть Феодор Ушаковонь лемса православнай гимназиянь од корпусса, коса панжевсь аф сяськови адмиралти бюст.
Мордовия Республикань Оцюнять Пресс-службац