Рузаевкаса РФ-нь просвещениянь министрть васенце заместителец Дмитрий Глушко ванозе «Кванториумть»

Рузаевкаса РФ-нь просвещениянь министрть васенце заместителец Дмитрий Глушко ванозе «Кванториумть»

РФ-нь просвещениянь министрть васенце заместителец Дмитрий Глушко ульсь Рузаевкаса «Кванториум» идень технопаркса. Дмитрий Глушко марса коллеганзон мархта ванозень технопаркть квантумонзон, корхнесь воспитанникнень мархта, арьсесь теест сатфкст од технологиятнень содамаса.

Идень технопарксь Рузаевкаса панчф 2020 кизоня «Образование» нацпроектонь «Успех каждого ребенка» проектть мяльса кирдезь. Педагокне-наставникне етасть тонафнема образовательнай сессиятнень эса Сколковаса. Тяниень пингть тяса тонафнихть 800 ломань кота площадкатнень лангса – Автоквантумса, Геоквантумса, IT-квантумса, Дизайнквантумса, Промробоквантумса, Хайтекса. Тифт «Шахматнай гостинай», лекторий, проектнай тевонди зона. Образовательнай кейсне арьсефт кода очнайста, стане и заочнайста занятиятнень етафтоманкса, дистанционнай технологиятнень тевс нолязь.

Замминистрть мархта технопаркса ульсть МР-нь Правительствать Председателец Владимир Сушков, Правительствать Председателенц заместителец Галина Лотванова, Рузаевскяй райононь оцюнясь Александр Сайгачев.