Мероприятиять арьсеф ётафтомс сай кизонь август ковста. Форумсь примай 450 лама участник странань 30 регионцта, темац кармай тяфтама: «Од ломаттне этнокультурнай пространстваса: тяниень пингст и перспективатне».
Лятфтасаськ, што васенце всероссийскяй форумсь ётафтовсь Ижевскяйса ётай кизонь июнь ковста.
Мордовияса ётафтови мероприятиять пингста вановихть Россиянь угро-финскяй нароттнень этнокультурнай вииякшнемаснон и культурнай наследияснон коряс кизефксне, инь цебярь инициативатне и практикатне, конат лезнихть тиендемс содафокс кяльхнень, тяконь лувксса — этнокультурнай койхнень-обуцятнень ванфнемаснон и виияфнемаснон коряс од ломанень проекттнень вельде. Форумть пингста ётафтови РФ-нь угро-финскяй нароттнень Ассоциацияснон Президиумонц заседанияц, а стане жа «Минь марсотама!» национальнай культурань од ломанень всероссийскяй фестивальсь.
Мордовия Республикань Оцюнять пресс-службац