Семинарть пингста партиянь местнай и первичнай организациятнень партийнай активсна васетькшнесть Мордовиянь Оцюнять, партиять региононь отделениянц Секретаренц тевонзон пяшкотькшниснон Артём Здуновонь мархта. Васедемаса путфтольхть задачат партийнай активисттнень инголе. Артём Здунов мярьгсь, што лувондсы тя васедемать пяк эрявиксокс, сяс мес партиянь местнай и первичнай отделениятне занцихть оцю васта партиять покодемаса.
Региононь Оцюнясь лятфтазе, што 4 декабрьста, партиять 20 съездонц колмоце этапонц пингста «Единая Россиять» Оцюняц Дмитрий Медведев азозень Генсоветть Президиумонцты 12 субъектонь оцюнятнень, штоба арафтомс синь партиянь региональнай отделениятнень вятиснон тевснон пяшкотькшникс.
«Занцемок фкя пингста вятиень вастт властень оргаттнень и «Единая Россия» партиять региононь отделениянзон эса субъектонь Оцюнятнень инголе панжевихть од кит-ятт ся задачатнень пяшкотькшнеманкса, конат сотфт экономикать виияфнеманц, ломаттнень эряфснон цебярьгофнеманц мархта, пяшкотькшнемс странань Президентть мярьгоманзон» - китькстазе Артём Здунов. «Съездса ламода одкстоптфоль «Единая Россия» партиять Высшай советоц. Эзонза сувасть Мордовиять эзда Госдумань депутатсь Василий Пискарёв. Партиять Генеральнай советозонза сувась Мордовиять эзда Госдумань депутатсь Юлия Оглоблина. Сонь стане жа кочказь партиять Генеральнай Советонц Президиумозонза».
Артём Здунов лятфтазе, што съездса тифтольхть итокт вете кизоста партиять покодеманцты и кочкамань мекольце кампанияти. «Странань Президентсь китькстазе, што партиясь сяськсь кочкаматнень эса аф кайги лозунгонзон, а избирательхнень мархта эрьгавста покодемать вельде. Тя опытть аш кода юмафтомс».
Региононь вятись стане жа мярьгсь, што партияти эряви водендакшнемс од ломаттнень, тяконь лувксса студенттнень, «Монь Мордовиязе» конкурсонь сяськихнеь.
Артём Здунов шарфтсь мяль бизнес-сообществать, общественнай организациятнень, республикань Общественнай палатать мархта партиять марстонь тевонь вятеманцты.
Меколи Артём Здунов поздравляндазень васедемань участникнень малаткшни Од кизоть мархта и арьсесь сатфкст марстонь покодемаса.
Васедемать шумордамда меле Артём Здунов ульсь «Мялень топафтома кузня» лем ала акцияса. Мяльхнень мархта шархнень кузнять лангс повфнезь партиецне. Артём Здунов кази 15 ламбама казне «Поддержка инвалидов с детства и детей-инвалидов» общественнай организацияста шабатненди-инвалиттненди.
«Мялень топафтома кузняста» шархт стане жа валхтсть партиянь 25 местнай отделениянь секретарсь.