Од строямась арась уликс сюконямок «Демография» национальнай проектти. Финансированиянь объемсь - 985 млн. цалковай, синь ёткстост из федеральнай бюджетста – 914 млн, республиканскяйста – 71 млн цалковай.
Зданиянь комплекссь ащи колма секцияста марстонь площадьса 15 тежянь квадратнай метра. Сембе корпусне сотфт фкя фкянь еткса проходной зонаса, тянкса тяса тиф барьерфтома васта маломобильнай ломаттненди.
Од куд-интернатса тифт цебярь условият сире ломатнень эряфснонды. Тя куд лаца валда комнатат фкя и кафта ломаненди, коса ули телевизор, холодильник, сплит-система, санитарнай узел. Нинге тяса лац тифт досугонь ётафтомс зонатне, медицинскяй кабинеттне, пчкафты физкультурань залсь, актовай залсь, столовайсь, парикмахерскяйсь.
Куд-интернатть базаса ули тяфта жа пингонь ащема отделения «Социальная передышка» и шинь ащемань отделения. Пенсионерхненди и инвалидтненди тяса ётафневихть всякай мялень салай занятият: рукоделиянь, маскировочнай сетень кодамать коряс. «Прявкссь - што минь заняфтама тевса и ули возможностеньке корхнемс, шаромс-велямс, тя пяк эряви», - азозь сире ломаттне.
Интернатсь арай районца сире поколениянь ломаттненди интересонь коряс васедекшнемань центракс. Тяфта жа интернатса кармай улема техническяй средствань прокатонь пункт, раднянь уходонь тонафтомань школа.
Пищеблоконь покодихне азондозь республикать руководителенцты, што эсь подопечнайснонды синь кълъндыхть пицемс танцтиста, кода кудса. Пидефсна-паньфсна повархнень лисенди пяк танцти!
Башка ванф од зданияса максф сетьмешити. Сембе помещениятнень эса ащихть автоматическяй пожарнай сигнализацият, пожаронь колга азондомань системат, конат максыхть сигнал пожарнай частть пультс ломанень участияфтома, вентиляционнай системат и дымоудалениянь системат. Ули видеонаблюдения. Ломанень вишкста лихтеманди тиф 30 лама запасной лисемада. Тяфта жа путф охранань пост тревогань сигналонь лихтемаса маластонь Росгвардиянь подразделенияти. Одкстоптф-петьф социальнай учреждениять территорияса ащи аф оцю стадион и тренажерхт, а тяфта жа кизонь эстрада, сад, теплица и кудпирьф.
Куд-интернатсь лувф 150 ломань лангс. Сидеста тя ломаттне, конат повсть эрявонь стака ситуацияс и эряви мельгаст ваномс.
Артём Здунов корхтась тоса эряй пенсионерхнень мархта, синь ётксост кулоф Великай Отечественнай войнань участникть мъранц Анастасия Николаевна Ильинать и тылонь труженицать Анна Кузьминична Черняевать мархта. Аф ваномок сире кизоснон лангс, бабанятне аф юмафнесазь эрямати кельгомать. Панчфненди, конатнень казезень теест Артём Здунов,синь пяк кенярдсть. Кода афоль уль, а заботась и вниманиясь – тя прявкссь сире ломаттненди.
Тяфта жа Мордовиянь Оцюнясь корхтась учреждениянь персоналть мархта. «Сюкпря Президентти национальнай проектть инкса, сюконямок конанцты минь появась тяфтама интернатонеке. Содаса, што бабатне и атятне максыхть питне условиятненди, конат тяса тифт», - мярьгсь Марина Шарова медсестрась.
«Прявкссь – штоба тяса теест улель цебярь, штоба эряфсь улель весяла, штоба синь марялезь пряснон эрявиксокс», - мярьгсь Артем Здунов.
Мордовия Республикань Оцюнять пресс-службац