Строительнай тевсь лядонды республикать виияфнемаса инь васенце вийкс. Сон пуропни 6 тёжяньда лама ломань, конат эсь кядьсост тиендьсазь сай пингть.
Инженерхнень, проектировщикнень, каменщикнень, архитекторхнень трудснон и асуснон вельде эрь шиня полафнихть республикать, ошнень и велетнень шамаликсна, стройс сувафневихть социальнай объекттне и оцю завоттне, технологическяй комплексне, тиендевихть инь эрявикс транспортнай артерият.
Строителень шида инголе тя тевса покодихнень поздравляндазень Мордовиянь Оцюнясь Артём Здунов. «Лама вий и кемеши отраслять, конкретнай ломаттнень тушенды сянди, штоба строялеськ и кирделеськ сянь, мезе тяни ули. Васендакиге, шарфтан мяль промышленнай строительствать лангс, сяс мес промышленностсь максси тейнек рабочай вастт, налокт. Ну и, конешна, ломаттнень мяльсна эрямс лац, и вешфксне касфневихть кизоста кизос», - китькстазе регионть руководителец.
Ётай вете кизотнень президентскяй национальнай проекттнень видеса Мордовияса строяф и педа-пес петьф социальнай инфраструктурань 150 объект - нят школат, идень сатт, больницят, поликлиникат, культурань кутт, спортивнай комплекст и площадкат. Строительнай работатнень объёмсна эрь кизоня мекольце вете кизотнень 30 млрд цалковайда лама. Васенце вастть тяса налхксы эряма вастонь строямась–вете кизоста республикаса строяф 1,7 млн.кв. метрада лама эряма васта.
«Эряйхне ётнихть од квартирас, од ломаттне мушендыхть эстеест од эряма васта, и инь главнайсь тейнек–арьсекшнихть сянь колга, штоба семьятне касольхть, сяс строительсь–тя профессия цебярть инкса!» - китькстазе Артём Здунов.
Республикань Оцюнясь китькстазе, што странань руководствать мархта путф задача территориять комплекснай виияфтоманц колга–эряма куттнень мархта строяви сембе эрявикс социальнай инфраструктурась. Республикаса эряфс ётафневихть территориянь комплекснай виияфтомань кафкса проектт.
«Строителень профессияти лувондови аф 70 киза - кодак ломанць арась ломанькс, сон арьсезевсь сянь колга, мезе перьфканза, кода теенза обеспечендама эсь эряфоц. Сяс, мзярс кармайхть ломаттне, кармай и строительства! Седи ваксста арьсян теенть платтнень мархта сотф инь сери мяльхть-арьсемат и синь эряфс ётафтомаснон», - мярьгсь Артём Здунов.
Мордовиянь Госсобраниять Председателец Владимир Чибиркин китькстазе: «Трудонте пяк эрявикс. Сембось, мезсь перьфканк, тиф и тиендеви кядентень мархта».
Вице-премьерсь Алексей Гришакин мярьгсь, што сембе задачатне, конат путфт строительнай сообществать инголе, улихть пяшкотьфт. Эрявикс соткс ладяф од специалисттнень мархта, конат сувафтфт сембе процессненди.
МР-нь строительствань и архитектурань министрть тевонзон тиендисна Сергей Пронькин лемдезень строительхнень ломанькс, конат тиихть сай пинге, и спасибась покодеманкса.
Церемониять пингста максфтольхть оцю казнет сятненди, кит эсь тевснон и профессионализмаснон мархта работайхть регионть пара эряфонц инкса.
Мордовия Республикань Оцюнять Пресс-службац