Лятфтасаськ, што компаниясь касфни экологически ару фруктат и имошт, ноляй сокт, ведь и варения.
Теплоходонь нолдамань торжественнай церемонияса примась участия Мордовия Республикань Оцюнясь Артем Здунов.
Республикань руководительсь китькстазе : Ардатовскяй районтть туризмань виензафтомать коряс оцю потенциалоц. «Тячиень событиясь - знаковай аф аньцек районтть лемс, но и республикать и дажа Приволжьять. Нинге кафта кизода инголе кивок ашезь веронда, што минь кармай миньцень горнолыжканеке Атяшевскяй районца, и вага тяни уже Ардатовскяй районтть ушеткшни кочксевома эсь флотоц. Эряви аньцек ушедомс и верондамс эсь эзот. Оцю сюкпря минь кельговикс земляконеконди! Вастсь тяса пяк цебярь! Алатырьсь фалу ульсь содаф байдаркаса уемать и каноэ-ть коряс. Маласа- шабрань субъекттне. Карматама виензафнема туризмать», - мярьгсь Артём Здунов.
«Край Земли» компаниять учредителец Александр Земченко сюконясь Артем Здуновонди проектть кирдеманц инкса. «Улемс васенце ётайкс стака, но мон кельгса эсь ширезень, кельгса сянь, мезе тиян», - мярьгсь сон.
Маластонь планца - Алатырь ляйть лангса причалонь строямась, сон кармай ащема ошень пляжть эзда аф ичкозе.
Мордовия Республикань Оцюнять пресс-службац