Территориясь ламода полафтсь, тяконь лувксса тяса озафтфт газон и шуфтонят, латцефт од эземнят. «Федеральнай ярмакта башка, тевс нолявсть и эсь средстватне, - азозе республикань руководительти Краснослободскяй райононь оцюнясь Алексей Буйнов. - Любой ошть и велеть марс пуромома вастсна — Великай Отечественнай войнань геройхнень колга лятфнемань мемориалсь, сон стане жа петьф-тиф. Улихть сяда товолдонь платт — сай кизонь тундати тяса панжеви идень кафе и идень площадка».
Тястонь эряйхне азозь: Краснослободскяйса нинге ашельхть семьянь келеса ваймосеманди петьф-мазоптф тяфтама вастт. Арась аф аньцек мазы, но и аф пелькс: маласа 2№ школась, и тяда инголе тяса ашезь сатне кить туркс пешеходнай ётама вастсь, тяни сон тиф.
Од территориясь эвондась Краснослободскяень микрорайонца ошень цебярь средань тиемань инь цебярь проектонь Всероссийскяй конкурсть вельде. Артём Здунов макссь поручения райононь руководствати озафнемс тяса сянгяря касыкскят и петемс зданиятнень фасадснон, конат ащихть од пешеходнай зонат ваксса. «Сембось должен улемс мазы и штоба ломаттне парста марялезь тяса пряснон. Тяса ащи цебярьдонга цебярь храм, кармай лама касыкскада, и фалу должен лаказь лакамс эряфсь», - мярьгсь республикань Оцюнясь. Артём Здунов лятфтазень воиттнень, конат шавовсть Великай Отечественнай войнать пингста, путомок панчфт памятникти.
Мордовия Республикань Оцюнять пресс-службац