Ванфтольхть кизефксне, конат сотфт республикать территорияса «Жильё и городская среда» нацпроектть мяльса кирдезь аварийнай эряма вастста ломаттнень ётафтомаснон мархта.
- Странаса оцю мяль шарфневи ломаттнень эрямаснон безопасностенц касфнеманцты. Мордовия Республикась сявсь оцю обязательстват – шумордамс аварийнай эряма вастста ломаттнень ётафтомаснон ладяф пингта инголе – 2023 кизоть самс. И, аф ваномок стакашитнень лангс, путф задачатне эрявихть пяшкодемс педа-пес. Тяка пингть важна аф аньцек строямс од кутт, но и подключандамс синь эрявикс коммунальнай инфраструктурати: вдь сетьтнень и оборудованиять качестваснон эзда видеста ащи ломаттнень парста эрямасна, - китькстазе Константин Цицин.
Башка мяль васедемаса шарфтфоль коммунальнай инфраструктурань ташта объекттнень одкстоптомаснонды и реконструкцияснонды. Тянкса ЖКХ-ть реформированияса лездомань Фондсь кармай ноляма ресурсоснабжающай организациятненди льготнай лама пингонь займат. Национальнай фондть средстванзон эзда арьсекшневи нолдамс 150 миллиард цалковай.
Мордовияса льготнай займатнень ули кода карьхцямс региононь эряйхненди оцю значения мархта коммунальнай инфраструктурань объекттненди реконструкциянь тиеманкса – Саранскяйса лямбонь пачфнемань системати оптимизациянкса, Рузаевкаса котельнайхненди реконструкциянь тиеманкса, Северо-Восточнай шоссеть маласа «Уютный» эрямань од комплексса тепловой сетьтнень строяманкса.
Артём Здунов азозе, што Саранскяйть территорияса арьсеф тиемс реконструкция тевс ноляви теплоснабжениянь сетьтненди и строямс отт.
Стане жа ширетне корхтасть лама квартирань куттнень эса марстонь имуществать капремонтонь программать эряфс ётафтоманц колга, тяконь лувксса тяниень пингонь энергосберегающай технологиятнень тевс нолязь.
Корхтамась мольфтевсь Саранскяйть юго-западнай пялькссонза напорнай коллектор и канализационнай насоснай станциянь строязь канализационнай сетьтнень реконструкцияснон коряс проектть эряфс ётафтоманц колга.
Васедемаса примась участия МР-нь Правительствать Председателенц заместителец – ЖКХ-нь, энергетикань и населениять гражданскяй араламанц коряс министрсь Игорь Чадов.
Справкась: Сембоц аварийнай эряма вастонь фондста, кона лувф тяфтамокс 2017 кизонь 1 январть самс, ломаттнень ётафтомаснон коряс программать эряфс сувафтомста Мордовияса арьсекшневи обеспечендамс од квартираса 4 741 ломань, конат эряйхть 82,23 тёжянь квадратнай метрань площадьса куттнень эса, конат ащихть 22 муниципальнай образованиятнень территорияса. ЖКХ-нь фондть средстванзон участияснон мархта программнай мероприятиятнень марстонь питнесна арай 3,59 миллиард цалковай, тяконь лувксса госкорпорациять средстванзон эса вешфкссь – 3,17 миллиард цалковай.
Тяниень пингть республикаса 27, 92 тёжянь квадратнай метрань площадьса аварийнай жилищнай фондста ётафтф 1 771 ломань.
Мордовия Республикань Оцюнять пресс-службац