Тинь службанте – кепотькс аф озадонь седихть ащекшнемаса и кирдевомшкаса, республикаса и странаса порядкать и стабильнай оперативнай обстановкать ванфтыец. Тинь фалу постсотада, ванфнесасть законность и граждаттнень покойснон. Работатада ломаттнень ёткса и ломаттненди. И работантенди Ир оцю оценкась – тя эряйхнень лангозонт надиямасна.
Оцю профессионализмантень вельде теенть удалси путнемс кеме перяфкс преступностти, ладямс профилактикань система. Тядде республикаса ётафтф аф кржа важнай социальнай оцю значения мархта мероприятия, тяконь лувксса и федеральнай уровенень. И сембе вастова оцю уровеньца обеспечендафоль правопорядкась.
Тячи граждаттнень и инфраструктурань объекттнень безопасностьснон обеспечендаманц коряс тинь работанте арси сядонга эрявиксокс. Кеман, правоохранительнай блоконь структуратнень и властень оргаттнень лац ладяф марстонь тевонь вятемасна лезды лац пяшкодемс путф задачатнень.
Башка благодарностень валхт ветераттненди. Тинь ванфнесасть мужествань, профессионализмань традициятнень, макссесасть эсь опытонтень и содамошинтень. Фалу карматада улема примеркс Отечествати служамаса од поколенияти.
Седи ваксста арьсян теенть шумбраши, покодемань сетьме шит и оцю сатфкст Родинати служамаса.
Мордовия Республикань Оцюнять пресс-службац