Мордовиянь мельвановикс эрицят!
Евтан тенк седейшкавань поздоровт Ине Изнямонь Чинть кувалма!
Те чись – сеть ломантнень героизмань, а пелемачинь ды отвагань тешкс, конат Ине Отечественной войнань иетнестэ ванстызь минек Чачома масторонть. Эрьвась юткстонок кирди каштанчи ды сюкпрянь валт минек тетятнень ды покштятнень ине тевест кувалма. Сон пингеде пингес сермадозь минек государствань, эрьва семиянь историянтень ды полады эрямо минек эйсэ.
Мордовиянь эрицятне тейсть редявикс путовкс вейсэнь Изнямонтень. Минь сюконятано маштовозь геройтнень ледстнемаст икеле, тылэнь важодицятнень мужестваст икеле, весень икеле, кие кандынзе эсензэ лавтовонзо лангсо войнань стакачитнень тюрематнесэ, заводонь цехтнесэ ды колхозонь паксятнесэ.
Ды течи изницятнень цератне ды нуцькатне поладыть апак пеле бороцямо Россиянть кисэ. Специальной военной операциясонть улемстэ, сынь аштить нацизманть каршо, ванстыть эрицятнень.
Мельвановикс землякт! Евтан тенк сюкпря минек боецтнэнень лездамонть кисэ.
Вечкевикс ветерант! Тынь максстадо тенек вийть Россиянтень виде служамонть лангс, тынь – алкуксонь патриотизмань невтевкс.
Арсян тыненк ды тынк семиятненень кеме шумбрачи, часия, паро эрямо ды весементь сехте вадрянть!
Мордовия Республикань Прявтось А. Здунов