«Единай Россиянь» Генсоветть секретарец Андрей Турчак ульсь Саранскяень «Высота» образованиянь Центраса и «Защитники Отечества» фондтть филиалонц эса

«Единай Россиянь» Генсоветть секретарец Андрей Турчак ульсь Саранскяень «Высота» образованиянь Центраса и «Защитники Отечества» фондтть филиалонц эса

Федеральнай инжиень делегациясь, конац Мордовияса тяниень пингть покодемань сама мархта, Мордовиянь Оцюнять Артем Здуновонь мархта ульсть М. П. Девятаевонь лемса Саранскяень «Высота» образованиянь № 15 центраса. Образованиянь центрась покоди пяшксе школань режимса. Тя аф аньцек общай  образования, но и поладомань - спортонь секцият и направлениянь коряс клубт, аф фкя лаца кизонь театрань и кштимань студият, туристическия клуб «Высота», школань театра. Дополнительнай занятияса старшеклассникненди ули кода анокламс сяда лац вандыень профессияснонды. Инжихненди няфтезь тонафнема клазть, коса школьникне тонафнихть од направления – беспилотниконь вятема, а стяня жа спортонь зал, коса иттне занимандайхть самбоса «Самбо в школу» федеральнай проектть потмоса. Тяда башка, инжихне сувсесть школань столоваи, коса иттнень тядясна алясна азондсть сянь колга, кода школаса нолдаф эряфс школань питаниянь проектсь. 

Андрей Турчак кирдезе предложениять ётафтомс тя кизоть Саранскяйса  «Высота» Центр образованиять базаса всероссийскяй традиционнай семьянь и нравственнай ценностень кирдемать и ванфтомать коряс форум.

Роман Романов, «Мир возможностей» мобилизационнай партийнай проектть координатороц, и АНО «Центр поддержки общественных проектов «Сделаем вместе» генеральнай директороц и Мордовия Республикань образованиянь министрсь Елена Солдатова ётафтсть панжада урок «Семейные и духовные традиции» од всероссийскяй акциять эряфс нолдаманц ушексонц потмоса. Кортамась иттнень мархта лиссь цебярь, интереснай. Проектть целенза и актуальностец тусть сембонь мяльс, сонь эряфс ётафтомац лезды лядямс духовнай соткснень поколениятнень ёткса.

Тяфта жа инжихне ванозь  Саранскяйса «Защитники Отечества» государственнай фондть филиалонц. Республикась арась васенцекснень эзда фкакс, коса сон панжевс. Тафта жа Мордовиясь сяка пингть ушедозе покодемать саф боецнень диспансеризацияснон коряс. 

Республикань Оцюнясь Артем Здунов китькстазе: Специальнай военнай операцииянь участникнень коряс кизефксне ащихть особай контроль лангса региононь сембе властень уровеньца. Ключевой вастть тя покодемать эса занязе «Защитники Отечества» государственнай фондть филиалоц. Сонь панжемастонза тяза пшкядкшнесь 7 тежяньда лама боевой действиянь ветеран, СВО-нь участник и синь семьясна. Каждай семиять лангс тиф социальнай паспорт, кемокстаф социальнай покоди. Тя лезды лакссемс марстонь социальнай лездома,  кудонь прябалань машфтомаса, финансонь кизефкснонь эса, медицинаса реабилитациянь кизефкснонь эса, покодема вастонь вешемаса. « Воиттнень и синь семьяснон кирдемать коряс покодемать мольфтсаськ системна, тяряфнетяма лездомс сембонди, кие анась лезкс. Минь марстонь  задачаньке – сувафтомс цератнень, конат састь СВО-нь зонаста, эряз эряфти, тиемс теест профессиональнай тонафнеманди,одукс подготовканди условият», - мярьгсь Артем Здунов.

Мордовиясь сувафнесыне  и эсь лацонь  мялензон арьсеманзон. Стратегическяй инициативань Агенствать мархта  республикаса мольфтеви проект, конац кармай  касфтома СВО-нь участникненди, эряйхненди велеса, реабилитациянь доступностть, а тяфта жа вятемс контроль синь пшкядемаснон коряс тевть вятеманц. Тя огранизациясь «Для участника СВО» муниципальнай районса медицинскяй,  социальнай покодиень тердема мархта, психологонь, юристонь, а тяфта жа од цифровой  СВО участникнень и синь семияснон мархта покодемать коряс сервис. 

Мордовия Республикань Оцюнять пресс-службац