2016 кизонь 6 декабрьста Мордовиянь Оцюнясь Владимир Волков примась участия Саранскяень Мордовскяй ульцяса 240 вастонди од идень садть торжественнай панжеманц эса.
Инжихне ванозь учреждениять помещениянзон: медицинскяй и физиотерапевтическяй кабинеттнень, бассейнать, спортзалть, изостудиять, компьютернай классть, ки лангонь правилатнень тонафнемаснон коряс уженять и лиятнень.
Ваномок пищеблокть, республикань Оцюнясь отмечазе, што 2018 кизоть самс Мордовияса панжеви образовательнай учреждениятненди питаниянь комбинат.
« 2013 кизоста сявомок, республикаса минь панчсаськ 52-це идень садть. 2017 кизоня нинге колма дошкольнай учреждениятнень строямаснон мархта, тяка лувксса райоттнень эса, 3 кизоста сявомок 7 кизотненди молемс сембе шабатне кармайхть получсема дошкольнай образования, - азозе Владимир Волков. –Мордовиянь руководствати важна, штоба шабатне получсельхть качественнай образования тяниень пингонь вешфкснень коряс строяф-тиф помещениятнень эса. Образованиянь системась строяма стане, штоба иттнень содамошисна макссель теест возможность тонафнемс странань инь цебярь вуснень эса, штоба од ломаттне улельхть конкуренциянь кирдихть, образованнайхть и грамотнайхть».
Мордовиянь Оцюнясь китькстазе, што регионца панчсевихть оцю зарплата мархта высокотехнологичнай производстват, коса муйхть работа тонафнемань заведениянь выпускникне. Строявихть од спортивнай объектт и культурань учрежденият. Тиендеви сембось, штоба цебярьгофтомс и кувалгофтомс ломаттнень эряфснон.
«Республикань руководствась примась решения поладомс 5 процент алу ипотечнай кредитованиянь программать 2017 кизонь 31 декабрть самс, штоба максомс ломаттненди возможность цебярьгофтомс эрямань условияснон», - мярьгсь В.Д.Волков.
Азсаськ, што идень садса 12 группа, фкясь конатнень эзда логопедическяй. Тяса шабатнень мархта работайхть психолог и логопед.
Идень садть строяманкса карьхцяф 178,5 миллион цалковай, конатнень эзда 31,4 миллион цалковайсь нолдафоль республиканскяй бюджетста, а 147,1 миллионць - муниципальнай средстват. Сембоц Саранскяйса работай 70 муниципальнай дошкольнай учреждения.
Республикань Оцюнясь казсь идень садти мультимедийнай игровой лаборатория.Мероприятияса участия примась Саранск ошень округонь администрациянь оцюнясь Петр Тултаев.