13 апрельста Мордовиянь Оцюнять аф лама пингс тевонзон тиендисна Артём Здунов етафтсь рабочай васедема Мордовскяй митрополиянь оцюнять, Саранскяй духовнай семинариять ректоронц, Саранскяй и Мордовскяй митрополитть Зиновиень и Русскяй православнай церькавонь протеиерейть Максим Козловонь мархта. Кепотьфтольхть кизефксне, конат сотфт Мордовия Республикаса высшай духовнай образованиять виияфнеманц мархта.
Кафта шит, 12 и 13 апрельста, Саранскяй духовнай семинарияса етась комиссиять плановай инспекционнай проверкац, конань вятезе протоиерейсь Максим Козлов. Проверяфт семинарияса учебнай и воспитательнай работатне, архивть и делопроизводствать состояниясна, студенттнень эрямань условиясна. Комиссиянь члеттне етафтсть васедемат профессорско-преподавательскяй составть и студенттнень мархта. Максим Козлов азозе, што тяфтама проверкатне тонафнемань заведениятнень эса етафневихть эрь колма кизотнень.
Артём Здунов башка лоткась регионца комплекснай духовнай образованиянь темать лангс: корхтасть Саранскяйса православнай гимназиять эвондаманц колга. Стане жа Мордовиянь Оцюнять аф лама пингс тевонзон тиендисна азозе, што, шять, маластонь кизотнень Саранскяй духовнай семинариясь лиси государственнай аккредитацияс. Максф задания тянь коряс дорожнай картать анокламанц коряс.
Мордовия Республикань Оцюнять пресс-службац