13 апрельста, мзярда Саранскяйса етафтфоль Приволжскяй федеральнай округонь региоттнень государственнай властень законодательнай органцнон Ассоциацияснон заседанияц, Мордовиянь Оцюнять аф лама пингс тевонзон тиендисна Артём Здунов васетькшнесь Татарстан Республикань Государственнай Советть председателенц Фарид Мухаметшинонь мархта. Корхтамась мольфтевсь марстонь работать и етафтови заседаниять повестканц колга. Тяфта, корхтафоль трудть производительностенц касфнемаса государствать ширде ширень кирдемань мератнень эряфс етафтомаснон колга. Отмечафоль сембе региоттненди оцю значенияц задачать, кона путф «Производительность труда» национальнай проектть мяльса кирдезь, Россияса од производственнай культурать пуроптоманц коряс.
Стане жа кепотьфтольхть кизефксне, конат сотфт кеме коммунальнай ляткснень машфтомаснон коряс комплекснай системать тиеманц рамкаса региоттнень еткса опытса полафнемать мархта.
Мордовия Республикань Оцюнять пресс-службац