Мордовиянь Оцюнять аф лама пингс тевонзон тиендисна Артём Здунов 19 апрельста етафтсь рабочай васедема Феодор Ушаковонь канонизациянц 20 кизонь топодеманц праздновандаманцты анокламань кизефкснень коряс. Васедемаса примасть участия властень органонь и духовенствань представительхне.
МР-нь Культурань, национальнай политикань и архивнай тевонь министерствась Саранскяй и Мордовскяй митрополиянь епархиятнень мархта марстонь работань вятезь аноклась мероприятиянь план, конат водендафт празднованияти. Основной торжестватне етафтовихть 4-5 августста. Научнай, образовательнай, культурно-просветительскяй мероприятиятне кармайхть кизоньберьф. Тяфта, тяниень пингть мольфтеви передвижной выставкать анокламац. Майста етафтови «Аллея адмирала» лем ала экологическяй акциясь. Волонтерскяй объединениятне урядасазь Санаксарскяй Рождество-Богородичнай монастырть территориянц – Мордовиянь Оцюнять аф лама пингс тевонзон тиендисна кирдезе иницативать ширенц и азозе, што анок лична примамс участия тя акциять эса. МР-нь Экономикань, торговлянь и предпринимательствань министерствати мярькф анокламс туристическяй маршрут и пуроптомс выездной экскурсият военно-морской училищань кадеттненди.
СПРАВКАСЬ: Федор Федорович Ушаков – рузонь флотоводец, Черноморскяй флотть командующаец (1790-1798); Средиземнай моряса русско-турецкяй эскадрать командующаец (1798-1800), адмирал. Тюрематнень пингста ашезь юмафта-арафта фкявок корабль, сонь фкявок подчиненнаец ашезь пов пленц. Сяськсь 43 морской сраженияса и вестевок ашель сяськф. Эряфонь мекольдень кизонзон сон етафтозень Темниковскяй уездонь Алексеевка велеса, Санаксарскяй Рождество-Богородичнай монастырть маласа. Тоса жа сон калмаф. 2001 кизонь 4 августста етафтфтольхть торжестват, конат лемтьфтольхть святой праведнай воинть Феодор Ушаковонь канонизациянцты.
Мордовия Республикань Оцюнять пресс-службац