Лятфтасаськ, што Мордовияса эряфс нолдави тактическяй медицинать коряс пилотнай проектсь. 23 и 24 апрельста Саранскяйса Дмитрий Хубезовонь вятеманц ала ётась тонафтомасна васенце лезксонь максомати 40 инструкторхнень. Курссь лездсь ваномс аф аньцек уликс содамошитнень, но и тиемс тянь СВО-са и паксянь медсанбатса васенце лезксонь максомтаь коряс афкуксонь участникть оржа ванфонц ала.
Шумбракстомок инжить, Артём Здунов сюконясь ялгаксшинь соткснень инкса: «Ламоц ломаттненди ня содамошитне пяк эрявихть. Тейнек эрявихть ломатть, конат пачфтсазь сяда тов лиятненди. Мероприятиясь ётась эрекста, мялень салай форматса, тинць примаде эсонза участия – медикне явсть мяльснон-арьсемаснон мархта, теест пяк тусь мялезост».
Дмитрий Хубезов тяшкстазень футбольно-легкоатлетическй манежень цебярь уловиятнень, коса ётафневихть занятиятне. «Эряфсь латцесыне эсь приоритетонзон, и васенце лезксонь максома темась тяни содаф и виде, - китькстазе сон. – Васенце аськолкссь тиф – 40 ломань тонафтф. Песта минь сатама объективнай сатфксненди – 100 % тевса, мзярда васенце лезкссь ломанти максф скорай медицинскяй лезксть саманц инголе. Синь лемнесазь «платиновай» вете минутакс, мзярда лездыхть ломаттне, конат маласот зиянц повфти.
РФ-нь Госдумань депутатсь тяшкстазе, што Мордовияса ули сатомшка специалист, конань улихть ня содамошисна, нльне народъётконь сертификат мархта. Сембе синь сяда тов кармайхть макссемост содамошиснон, ётксост сятненди, конат покодихть организованнай коллектифнень мархта – тонафтыхнень, марстонь транспортонь водительхнень, мишендем центрань покодихнень мархта.
«Минь тянь тиендсаськ аф аньцек лиятненди, но и эстейнек. Кематама, што тейнек лездыхть сятне, кинь тонафтоськ», - азозе Дмитрий Хубезов. Сон китькстазе стане жа, што Мордовиять лезксоц проектть эряфс нолдамаса кармай максф и сяда товга.
Мордовия Республикань Оцюнять пресс-службац