12 апрельста, Космонавтикань шиня, Мордовиянь Оцюнять аф лама пингс тевонзон тиендисна Артём Здунов поздравляндазе телефононь пачк профессиональнай ила мархта Российскяй Федерациянь Геройть, Мордовия Республикань почетнай гражданинть, Зубово-Полянскяй районца шачф-касф алять Владимир Дежуровонь. Лятфтасаськ, што Владимир Николаевич 1995 кизоня ульсь «Мир» российскяй орбитальнай станцияв международнай русско-американскяй экспедициянь «Союз ТМ-21» космическяй кораблень командиркс. Тоса космонавттне етафтсть 79 сутка. Эста Дежуров колмоксть лисендсь панжада космосу и кафксть пяшкотькшнесь работат рагерметизированнай отсекса.
Владимир Николаевич Дежуров стане жа поздравляндазень Мордовиянь эряйхнень Космонавтикань шить мархта. Сон мярьгсь: «Кельгома земляконе! Тячи мялезе седи ваксста поздравляндамс тинь Космонавтикань шить, тундань тя валда илать мархта! Тяддесь юбилейнай – 60 киза топодсь ся пингста, кода космосу лийсь васенце космонавтсь, и минь келиста праздновандасаськ тя событиять. Шумбраши, пара эряф и сембе цебярть! Ила мархта! Космонавтикань шить мархта!»
Мордовия Республикань Оцюнять пресс-службац