«Пожарно-спасательнай спортсь – тя спортонь достойнай прикладной, команднай вид. Спортсметтне аф содасазь, эвондайхть-аф эряфса ситуацият, мзярда сави нолдамс тевс тренировкатнень пингста получаф содамошитнень. Катк тяфтамот аф кармайхть, но анокши эряви. Арьсян спортивнай пялькстомань участникненди сатфкст и катк сяськи инь виись», - мярьгсь Мордовиянь руководительсь.
Пожарно-спасательнай спортть коряс пялькстоматне ётафтовихть Газпромонь 26 дочерняй обществатнень и организациятнень ёткса.
Мордовиянь Оцюнясь стане жа ванозе выставкать, кона лемтьф пожарда араламати. Эсонза няфтьфт специальнай техническяй оборудованиясь, спецщапне и техникась.
Пожарно-спасательнай спортть коряс пялькстоматне – тя чрезвычайнай ситуациянь условияса прянь вятемати работникнень профессиональнай анокшиснон ваномац.
Пялькстоматнень задачасна – пожархнень матомаснонды дочерняй обществань аварийно-спасательнай подразделениятнень профессиональнай опытснонды, маштомошиснонды и анокшиснонды оценкань максомась.