Мордовиянь Оцюнять аф лама пингс тевонзон тиендисна Артём Здунов 19 апрельста васетькшнесь Велень од ломанень Российскяй союзть председателенц Юлия Оглоблинать мархта, кона шачемас-касомас коре республикань Торбеевскяй районцта. Корхтамась мольфтевсь велеса виияфнемань проекттнень эряфс етафтомаснон и благоустройствать колга. Тяфта, корхтафоль тяддень кизоня Мордовияса «Спорт – в село» Всероссийскяй фестивальть етафтоманц квалма, конань пуроптсы Велень од ломанень Российскяй союзсь Россиянь Минспортть ширень кирдеманц пингста.
Мордовия Республикань Оцюнять пресс-службац