12 апрельста Мордовиянь Оцюнять аф лама пингс тевонзон тиендисна примась участия «Классные встречи» всероссийскяй проектса. Сонь етафтыец Школьниконь российскяй движениясь. Республикань школьникне получайхть возможность корхнемс содаф и мялень салай ломаттнень мархта. Фкясь синь еткстост Артём Здунов.
Региононь вятить мархта од ломаттнень корхнемстост азфоль мялень салай эняльдема. 7№ лицеень тонафнись Полина Шейнеман азозе Артём Здуновонди, што РДШ-ть мордовскяй отделениянц ули сонцень пресс-центрац. Школьникне серматкшнихть статьят и снимандакшнихть видиороликт эсь тевснон колга. Tik-Tok-са синь аккаунтснон миллионда лама просмотрац ни. Лицеисткась эняльдсь Артём Здуновонди экскурсиянь колга и Мордовия Республикань Оцюнять пресс-службанц мархта сотрудничендамань квалма.
Мордовиянь Оцюнять аф лама пингс тевонзон тиендисна тя мяльть ширенц кирдезе. «Минь арьсетяма мезевок мялень салай. Минь етафнетяма лама васедема мялень салай ломаттнень мархта. Семботь тянь ули кода снимандакшнемс и няфнемс», - мярьгсь Артём Алексеевич.
Мордовия Республикань Оцюнять пресс-службанц вятиец Елена Башкирцева надияфтсь маластонь пингть содафтомс ушеткшни корреспонденттнень службать работанц мархта.
Мордовия Республикань Оцюнять пресс-службац