13 апрельста Мордовияв рабочай поездканц пингста ПФО-са РФ-нь Президентть полномочнай представителец Игорь Комаров марса Мордовиянь Оцюнять аф лама пингс тевонзон тиендиснон Артём Здуновонь мархта ульсь «Биохимик» заводса - антибактериальнай и противовируснай препаратонь производствать коряс отечественнай фарминдустриянь лидерхнень еткста фкясь. Заводсь участвондай странать лекарственнай безопасностенц обеспечендаманц коряс важнайдонга важнай задачать пяшкотькшнемаса, тяконь лувксса импортонь полафнемань программатнень мяльса кирдезь, ноляй инновационнай лекарственнай средстват. Эрь кизоня производствас сувафневи 60 од препарат, конат кондястихть эрь кодама урмань пчкафтомста. Тяфта, 2020 кизоня заводса аньцек колма ковста курокста аноклафоль и нолдафоль Арепливир противовируснай препаратсь, кона ладяй коронавируснай инфекциять пчкафтоманкса.
Предприятиять работанц колга полпредти азондсть «ПРОМОМЕД» ГК-ть директоронь советонц председателец Петр Белый и «Биохимик» АО-ть исполнительнай директороц Дмитрий Земсков. Петр Белый азозе, што тяниень пингть заводсь аноклай Россияти эсь лацонь антибиотик, и тя кизоть пенцты тевс нолдави онкологическяй урматнень пчкафнеманкса препараттнень пяшксе цикласнон производствац.
Заводса Игорь Комаров и Артём Здунов ванозь од поколениянь антибиотикнень производстванкса активнай фармацевтическяй субстанциятнень производстваснон коряс цехть и научно-производственнай площадкать, коса аноклакшнихть од лекарстват.
Российскяй медицинскяй учреждениятнень вешфксснон пяшкодеманкса 2020 кизонь сентябрьста сявомок заводсь касфтозе Арепливирть производстванц объемонзон 10-крда – ковста 100 тежяньцта 1 миллион упаковкас молемс; тевс сувафневихть од мощностть производствать касфнеманкса – 2 миллиотт упаковкас ковста.
Стане жа 2021 кизонь февральста тяса панжевсь ампулань производства (площадец 2700 квадратнай метра), кона козякофтф тяниень пингонь передовой оборудованияса, мезсь макссь касфтомс ампуласа анок лекарственнай средстватнень производстваснон кафтонь-крда – 15 миллиотт единицас ковста (173 миллионда лама ампула кизоста). Ноляви препараттнень еткса: Эноксапарин и Надропарин, конатненди оцю вешфкссь коронавируснай инфекциять пчкафнемста, Дексаметазон, кона ноляви тевс цитокиновай штормть купированиянкса, и ламоц лия госпитальнай препараттне.
2020 кизоть омбоце пялестонза «Биохимик» АО-сь целайнек 32 процентта касфтозе коронавируснай инфекциять последствиянзон пчкафнеманкса антибиотикнень производстваснон.
Мордовия Республикань Оцюнять пресс-службац