Мордовиянь Оцюнясь Владимир Волков 15 декабрьста етафтсь рабочай васедема республикань прокурорть тевонзон тиендиснон Александр Максимовонь мархта. Ванфтольхть кизефксне, конат сотфт регионца законностть и правопорядкать обеспечендамаснон мархта.
Корхтафоль жилищно-коммунальнай хозяйствань сфераса законодательствати кирнемать квалма. Александр Максимов отмечазе, што нарушенияда тяса кармась васьфневома сяда кржа. Тяка пингть таколдомат эвондафни общественнай вастса тиендеви преступлениятнень лувксснон касомац. Рабочай васедемать пингста корхтафоль тяфтама правонарушениятнень каршес примсеви профилактическяй мератнень колга.
Стане жа Владимир Волков шарфтсь мяль регионца зарплатань паннемать мельге прокурорскяй надзорть кемокснеманц эрявиксшинцты. Прокурорть тевонзон тиендисна азозе республикань Оцюняти, што ситуациясь кирдеви контроль ала.
Мордовия Республикань Оцюнять Пресс-службац