Васедемать пингста корхтафоль Саранскяйса «АБ ИнБев Эфес» АО-ть филиалонц эса производствати од технологиятнень и инновационнай метоттнень тевс сувафнемаснон колга. Тя лезды ванфтомс и касфтомс ноляви продукциять объёмонц, мезть вельде ванфтовихть рабочай васттне и республикань бюджетти налоговай пандоматнень лувкссна.
Стане жа корхтамась мольфтевсь компаниять мархта управлениянь и производствань сфератненди ииновациятнень тевс сувафнемаснон колга, тяконь лувксса сятнень, конат лездыхть тиемс сонь сяда экологичнайкс. Ётай кизоня Саранскяйса заводсь ётафтфоль эреклафтови источникнень эзда энергиянь пачфнемати. Тяда башка, 2018 кизоста сявомок 2021 кизоти молемс компаниясь 5 процентта кирьфтазе Саранскяй пивовареннай заводса производстванди ведть тевс ноляманц лувксонц.
Стане жа сатфтольхть договоренность региона компаниять социальнай проектонзон поладомаснон коряс: благоустройствань сфераса, промышленнай туризмать виияфнемаса.
Артём Здунов, корхтамок васедемань итокнень колга, отмечазе, што Соглашениять кемокстаманц оцю значенияц Мордовия Республикать сяда товолдонь социально-экономическяй виияфнеманкса: «Регионть и фкя инь оцю налогоплательщикть ёткса марстонь тевонь вятемань лама пингонь стратегиять ладяманц вельде, аньцек 2022 кизонь январьста-майста Саранскяйса Компаниять Филиалоц касфтозе регионть консолидированнай бюджетозонза акцизань пандомать 60 процентта ётай кизоть коряс».
Стане жа ширетне састь мяльс, што региональнай кластерть сяда тов виияфнемасонза мяльса кармай кирдевома Мордовиять территорияса нолдаф сырьёть и материалхнень рамамаснон объёмсна.
«Минь арьсекшнетяма сяда тов виияфнемс производстваньконь регионца, - китькстазе «АБ ИнБев Эфес» АО-ть Президентоц Ораз Дудыев. – Мордовия Республикать мархта масртонь тевонь вятемать коряс Соглашениять кемокстаманц вельде Компаниясь поладсы регионца инь цебярь мировой технологиятнень тевс нолязь велень хозяйствань сырьёть касфнеманц, сонь переработканц и производстваса тевс ноляманц. Саранскяйса заводса и солодовняса работайхть пцтай 200 сотрудник. Эрь кизоня рамсеви 25 тёжянь тонна пивовареннай ячмень».
Лятфтасаськ, што «АБ ИнБев Эфес» компаниясь – инь оцю предприятиясь Россиянь пивовареннай рынкаса. Сон пуропни 11 пивовареннай и 3 солодовеннай завотт странань эрь кодама регионца. Саранскяйса «АБ ИнБев Эфес» АО-ть филиалоц ащи республикань фкя инь оцю налогоплательщикокс, путни оцю путкс социально-экономическяй вииякшнемати и ётафни эряфс оцю инвестиционнай проектт. Компаниять налоговай отчислениянза 2021 кизонкса арасть 1,5 миллиартта лама цалковай, а 2022 кизонь 5 ковонкса 800 миллионда лама цалковай, мезсь 60 процентта сяда лама ётай кизонь уровенть коряс. (1 кварталанкса 448 миллион цалковай акциза).
Мордовия Республикань Оцюнять пресс-службац