Республикань Оцюнясь Владимир Волков кучсь ризнамань вал мархта телеграмма Санкт-Петербургонь губернаторти Георгий Полтавченконди. Телеграммать эса корхтави:
«Уважаемай Георгий Сергеевич!
Мордовиянь народсь марса тинь, сембе Россиять мархта ризнай Санкт-Петербургонь метрополитенца сязевомать пингста ломаттнень шавовоманксост. Тя минь марстонь стака юмафксоньке. Республикань сембе эряйхнень лемста и лична эсь эздон азан седи ваксстонь ризнамань валх шавфнень радня и мала ломаньцнонды».
Аф содаф устройствась сязевсь 3 апрельста петербургскяй метронь «Технологический институт» и «Сенная площадь» станциятнень еткста перегонтть лангса поездть вагонца. Национальнай антитеррористическяй комитетть даннаензон коряс, сязевомать пингста шавовсь 11 ломань, 45 ломанць ранендафт.