Мордовиянь Оцюнять аф лама пингс тевонзон тиендисна Артём Здунов 21 апрельста примась участия Федеральнай Собранияти Россиянь Президентть Владимир Путинонь Посланиянц кулхцондомаса. Церемониясь ульсь Москуса «Манеж» Центральнай выставочнай залса. Церемонияс тертьфнень еткса – Федерациянь Советонь члеттне, Государственнай Думань депутаттне, Правительствань члеттне, Конституционнай и Верховнай судонь вятихне, губернаторскяй корпуссь, Федерациянь субъектонь законодательнай собраниятнень председательсна, традиционнай конфессиянь оцюнятне, общественнай деятельхне, тяконь лувксса региононь общественнай палататнень оцюнясна, массовай информациянь средстватнень вятисна.
Посланиянь кулхцондомань церемонияса стане жа примайхть участия Мордовиять эзда Федеральнай Собраниянь депутаттне.
Мордовия Республикань Оцюнять пресс-службац