Мероприятияса ульсть РФ Совет Федерациянь Председательть васенце полафтыец, «Единая Россия» партиянь Генеральнай советть секретарец Андрей Турчак, Мордовия Республикань Оцюнясь Артем Здунов, ПАО «Газпром»-ть Правлениянь Председательть полафтыец Виталий Маркелов, ООО «Газпром межрегионгаз»-ть генеральнай директороц Сергей Густов.
Марнек регионтть эряензон мархта ульсь кемокстаф 5,2 тежяньда лама договор догазификациянь лангс, 4,3 тежяньда лама домовладенияс уже нолдаф сетевой природнай топлива.
Андрей Турчак китькстазе: тя арась тиевикс социальнай газификациянь оцю программать коряс, конац ульсь нолдаф минь Президентонь мархта. Мордовиса газификациянь уровенсь етнесы 90%. Тя странаса фкясь инь оцюфнень ёткста. Но тясонга программась пяк эряви. «Тячи регионса ётаф важнай рубеж - вете тежятть сетенди подключендаф участка. Кода и сембе странаса, Мордовиса Президентть поручениянц коряс программась шарфтф соцобъекттнень лангс – школатнень, ФАПнень, поликлиникатнень, культурань Кудтнень. Тя ширеть подключениянь темпнень коряс регионса карматама мольфтема сяда вишкста. 13 льготниконь категориянди – лама идь марха семьянди, ВОВ ветеранонди, СВО участникненди и синь семьяснонды, инвалидтненди и лиятненди - республикаса ули субсидия газовай оборудованиянь рамамс. Маластонь пингть программсь токасы и СНТ. Тя арась тиевикс государствань главать решениянц коряс. «Единая Россия»-сь «Газпром»-ста коллегаснон мархта и Правительствась аноклай сембе эрявикс нормативнай документтнень, штобы газсь сяда курок саль и дачнай поселкатнендинге. Ломаттнен тянь эса кунара учихть», - мярьгсь сон.
Мордовиянь Оцюнясь китькстазе: «Минь подключандаме уже 5 тежянь домовладения, народсь минь дисциплинированнайхтяма, ответственность сявоньдсаськ эсь лангозонк. Сюконян сембонди, кие тяса покодсь. Тя кизоти минь лядсь нинге 400 подключения догазификация программать коряс. Мордовиясь ащи лидеронь тройкать эса догазификацить коряс. Сюкпря «Единая Россия» партияти, «Газпромти» кирдеманкса. Выборхнень колга корхтамок азса эсь позициязень. Конституциса тяштьф, што выборса участиясь, - тя гражданинтть правац. Но теень – тя ответственность и обязанность. Нят колма шитнень минь голосовандатама Россиять инкса».
Виталий Маркелов, мярьгсь республикань эряйхненди : «корхтамок догазификациянь программать колга – Мордовиясь няфни цебярь результататт. Уже подключандасть 5 тежянь домовладения, и сяда тов покодемась кармай полатф. Задачатне оцюфт, но марс минь синь тисайнек. Мон шачень республикаса, мяляфтса, кода ушнеме пенгаса, но няни тя сембось исяконь шиса. Арьсян сембонди пара, а Мордовияти – панжема!»
«Мордовия Республикась ащи российскяй региононь рейтингса лидеркс догазификациять коряс: и газовай сетень эряхнень участкас строямань темпнень коряс, и кудтненди природнай топливань подключениянь коряс. Тяка пингть, газоснобжениянь и газификациянь субъектть касфтома-виияма программать потмоса мольфтеви межпоселковай и распределительнай газопроводонь тиемась 30 лама населеннай пунктонь газификациясь Темниковскяй, Зубово-Полянскяй, Атяшевскяй, Чамзинскяй, Большеберезниковскяй, Лямбирскяй, Старошайговскяй, Ичалковскяй, Ромодановскяй, Ковылкинскяй и Кочкуровскяй райоттнень эса. Странань Президентть Владимир Владимирович Путинонь поручениянц коряс догазификациясь арась бессрочнайкс, сянкса и одукс газифицировондаф населеннай пунктонь эряйхненди ули кода примамс участия тя оцю и эрявикс социальнай газификациянь проектть эса», - китькстазе ООО «Газпром межрегионгаз»-ть генеральнай директороц Сергей Густов.
Илань обстановкаса ётась природнай газть нолдамац Николаевкаса Юлия и Михаил Павлунитнень кудс. Миртть-ръват азондозь кода ламос учсть тя пингть эса: «Сембе процедурать, сотфть документонь кочкамать мархта – ётаськ вишкста и теждяста. Сон доступнай кажнайти, кие ёрай ётафтомс газ кудозонза. Пяк кенярдеме нолдамати – газфтома кудса стака. Нинге тя няевикс экономия электричествань ётафтомать ваксса».
Тяфта жа Артём Здунов корхтась Николаевкань эряйхнень мархта. Корхтамась мольсь кинь строямать колга. «Стимул» федеральнай программать коряс тяса ульцява уже тиф мзярошка ки. Мордовиянь Оцюнясь макссь поручения вице-премьерти Инсаф Хайруллинтти сяда лац арьсемс тя кизефксть лангса. Тяфта жа тя кизоть Николаевкаса нолдайхть тевс канализованиянь сетть и водопроводнай коммуникацият. Поселкать цебярьгофтомац мольфтеви тяда тов.
Мордовия Республикань Оцюнять пресс-службац