11 апрельста 15:00 частса «Надежда» приютть базаса Семейнай МФЦ -са (Сущинского, 10 ульцяса) кармай «День службы занятости в МФЦ». Тоса кармай покодема консультационнай пункт, а тяфта жа ётай «Я настоящая» авань клубть заседанияц.
12 апрельста 10:00 частста сявомок 12:00 молемс креативнай индустриянь касома-виияма Центраса (Саранскяень приборостроительнай заводсь, Васенко ульцясь) кармай 3 площадкат.
Ярмарка трудоустройства секторть эса 60 лама оцю производственнай компания промышленностень, строительствань, велень хозяйствань сфератнень эзда и лиятне. няфтихть 2000 лама покодема васта.
«Покодема вастонь вешихненди тя возможность содамс вакансиятнень колга «васенце трваста», корхтамс инь цебярь республикань покодема вастонь максыхнень мархта. Тяфта жа минь ётафттама профориентационнай тестирования, кочкатама вакансият, конат ладяйхть кизонь и образованиянь коряс, лезттама покодемань законодательствань и населениянь занятость сфераса законодательствань кизефксонь шарьхкодемаса, карматама тонафтома цебярь резюмень тяштема, азонкшнема, кода эряви няфнемс эсь вии ширеснон и лац ётнемс стака собеседованиятнень», - азондозе РМ-нь населениянь занятостень Центрать директороц Игорь Юрченков.
«Мой выбор» профориентационнай площадкаса кочкафненди ётаф- тыхть тонафнема оборудования мархта эрявикс рабочай специальносттнень коряс мастер-класстт, няфтихть абитуриенттненди образовательнай органицациянь самопрезентацият и рабочай специальносттнень сявомс переподготовкань возможностть, лездыхть мумс тонафнеманди и касоманди-виияманди направленият.
Тяда башка, соискательхнень учсыне Приборостроительнай заводти промтурсь, коса теест ётафтыхть экскурсия.
Ярмаркать федеральнай этапоц ётай 28 июньста