Форумть покодеманц инголе инжихне ванозь выставочнай экспозициять, коса няфтьфтольхть республикань 18 промышленнай организация. Нят кабельнай, оптическяй и полупроводниковай продукциянь вяти производительхне, вагоностроительхне. Продукциянь блокса СВО-нь нужатненди инжихне ванозь обмундированиянь, снаряжениянь и пилотфтома лиенди объекттнень щамонь образецнень. «Минь кенярттяма инжихнень самаснонды. Мордовиясь эряй странать повесткасонза, покоди сембе партийнай проектса», - азозе Артём Здунов, панжемок форумть.
Андрей Турчак китькстазе, няевихть республикаса цебярь полафтксне, регионца лац тиендевихть государствань оцюнять сембе эняльксонза. Сон сюконясь эрь инжити, коллектифненди и Мордовиянь Оцюнять вяти команданцты.
«Единая Россия» партиять Председателенц Дмитрий Медведевонь мяленц коряс тяддень кизось азф первичнай отделениянь Кизокс. «Тинь ульхтяда минь партияньконь базовай конструкциякс, лама лувксонь звенакс, маласа ащетяда ломаттненди и ули возможностенте видексонь комуникациянь региональнай и федеральнай партиянь вятихнень мархта, примамс участия решениянь примамаса», - пшкядсь «первичнай» секретарьхненди Андрей Турчак.
«Единай Росиянь» Генсоветонь секретарсь тяшкстазе, инь цебярь результативностти тядде кармай тиф первичнай отделенинь партиянь федеральнай совет, коза сувайхть инь цебярь секретарьхне региональнай и окружной уровеньцта кочкамада меле. Стане жа кармайхть нолдафт инь цебярь практикань келептемс пялькстомат.
Форумонь темась – «Россия начинается с семьи» - актуальнай, сонь азозе семьянь Кизокс Владимир Путин. Появай «Семья» лем ала од национальнай проект – эзонза сувайхть сембе странаса покоди социальнай поддержкань мератне, стане жа од инициативатне, конат кайгсть Президентть Посланиясонза. «Единая Россия» партиять семьянь и семьянь питнишить кирдемац лемтьфт Народнай партиянь башка программатне, покоди «Крепкая семья» проектсь. Мордовияса тя направленияти макссеви башка оцю ванф. «Перичнай отделениятнень задачасна – мольфтемс кочкаф федеральнай уровеньца кочкаф мератнень, кирдемс соткст ломаттнень мархта, населеннай пунктонь эряйхнень, кемоста покодемс СВО-нь устникнень семьяснон мархта, нолдамс тевс грантовай поддержкать местнай инициативань кирдемс», - китькстазе Андрей Турчак.
«Женское движение Единой России» проектонь общественнай советонь сопредседательсь Дарья Лантратова тяшкстазе, эрь оцю федеральнай проектть сатксоц ушеткшни ся вастса, регионца ,первичнай отделениянь участияснон видеса.
«Мордовияса партиецфтома эряфс аф нолдави фкявок эрявикс социальнай проект, - тяшкстазе Дарья Лантратова. – Минь содасаськ, геройхнень воспитанияса, конат тячи араласазь странаньконь, сембось ащи семьять эзда. Морально-нравственнай ориентирста, ценностьста, койста, конат молить идькспингста, кармай ащема, кодамкс кармай минь сай пингоньке». Тяшкстафоль, што республикаса лац ладяф «Защитники Отечества» фондть работац, лац нолдави эряфс «Крепкая семья» федеральнай проектсь, идь мархта семьятненди макссеви мерань целай комплекс, ладяф работась иттненди школаса ярхцамбяльть мархта. Мордовиясь стане жа сувась семьянь лама функция мархта центрать тиеманц коряс 32 пилотнай региоттнень ёткс. «Газпром межрегионгаз» и «Газпром газификация» ООО-ть Генеральнай директороц Сергей Густов тяшкстазе, догазификациянь программась, конань азозе Россиянь Президентсь бессрочнайкс, - программась семьянь, вдь газсь – эрь кудти цебярь, цебярь эрь семьти. Кафта кизоста странаса тя программать коряс газифицировандаф 1 млн кудонь кирдида.
Владимир Путинонь валонза сянь колга, што россиянинда улель сяда лама, демографиясь – васенце задачатнень ёткса, путозе кепотьксокс «Крепкая семья» партийнай проектть координатороц Татьяна Буцкая. «Тянка минь и покоттяма!» - азозе сон. Депутатсь стане жа поладозе, первичнай организациятнень рольсна инь эрвикссь – тяса шачендыхть решениятне, конат эрявихть ломаттненди, конат тиендьсазь эряфснон цебярькс.
Форумть пингста инь цебярь практикатнень и инициативатнень мархта явсь Торбеевскяй райононь Дракино велень первичнай организациянь секретарсь Наталья Волгапкина, Сире Шайгавовнь райононь Летки велень Елена Лысенкова, Инсарскяй райононь Исавелеста Рита Миронова и Краснослободскяй райононь Сивинь велень Екатерина Пряхина. Эрсь ёткстост азондсь, кода вятеви тевсь од ломаттнень патриотичекяй воспитанияснон коряс, шачема велеть касфтомаса-виияфтомаса, велень ломаттнень и семьяснон цебярь эряфснон, акциянь ётафтомать, культурнай, спортивнай и волонтерскяй мероприятиянь ётафтомаса.
«Активнай семьясь – эрек велесь, а кеме семьясь – эряфонь виень лихтибря, ванфтсазь койхнень и иторическяй наследиять», - азозе Инсарскяй районца Рита Мироновась.
Форумть шумордамстонза казевсть первичнай отделениянь секретарьхне и волонтерхне, максовсть партийнай билетт.
Мордовия Республикань Оцюнять пресс-службац