Артём Здуновонди няфтьфоль мемориальнай комплексть проектоц, конань аноклазе скульпторсь, Россиянь заслуженнай художниксь Юрий Злотя. Мартста проектть, кона няфтьфоль Российскяй военно-историческяй обществать Всероссийскяй панжада творческяй конкурссонза, ширенц кирец киртьфоль общественнай слушаниятнень эса.
Мемориалсь ладяви Николаевка велеть крайса, 700 вайгяльбень вастса оборонительнай рубежть строямань историческяй вастть эзда. Сон тисы сембе пингс мяляфтовикс Сурскяй рубежень строяйхнень подвигснон. Мемориалда башка корхтафоль маласонза музейно-выставочнай вастонь, смотровой площадкань и патриотическяй мероприятиянь ётафтоманкса вастонь, а стане жа партизанскяй велеса военнай лаца сооружениянь тиемать колга.
Юрий Злотя азондозе, што ульсь тя вастса и тоса арьсекшнезе проектть, сявондемок мяльс ландшафтнай эсь лацонь ширетнень, старандамок сувафтомс памятникти рубежень строяйхнень подвигснон марнек значениянц, китькстамс историческяй мялямть эрявиксшинц.
МР-нь Культурань, национальнай политикань и архивнай тевонь министрсь Светлана Баулина азозе, што мемориалти стелать и барельефть анокламаснон финансированиянц эсь лангозонза сявондьсы Российскяй военно-историческяй обществась, анокламань работатнень – ПСД-сь, конструкциятнень монтажсна и территориятнень петемасна-мазоптомасна – регионть обязательстванза.
Мордовиянь Оцюнясь кирдезе няфтьф концепциять ширенц, максомок поручения Культурань, национальнай политикань и архивнай тевонь министерствати кирдемс тя кизефксть башка контроль ала.
Мордовия Республикань Оцюнять пресс-службац