Лятфтасаськ, региононь оцюнятнень видеса эряфонь качествать касфтоманц коряс Советтне — региональнай социальнай стандартть пунктонзон эзда фкясь, конанц арьсезе стратегическяй инициативань Агенствась.
Мезе стамсь региональнай социальнай стандартсь? Тя тяниень пингонь управленческяй практикань и решениянь комплекс качествань уровентть РФ-нь субъекттнень эса социальнай сфераса услугатнень доступнайшиснон касфтомаснонды.
Панжемок заседаниять, Артём Здунов китькстазе, што Мордовиясь арась васенцекс региоттень эзда фкакс, коса ульсь арьсеф эряфонь качествать коряс Совет. «Минь Советтоньконь составоц кочкаф паритетнай ушеткснень вельде афгосударственнай секторть представительстванц мархта 50% лама. Тя лезды мушендомс сяда цебярь решеният ломаттнень откликснон вельде. Эрь кодама сферань исполнительнай властень оргаттнень представительснон мархта ряцок Советть составс тяфта жа сувасть социальна-ориентированнай НКО-тне и региональнай сервиснай уполномоченнайсь», - мярьгсь Мордовиянь Оцюнясь.
Прявкссь Советть покодемаса, кода китькстазе Артем Здунов, - точна ладямс ведомстватнень ёткса марса покодемать и социальнай сфераса услугань максомать цебярьгофтоманц.
Кода китькстазе стратегическяй инициативань Агенствать генеральнай директорть полафтыец Анна Сухова ётай кизонь итокнень коряс Мордовиясь няфтсь цебярь показательхть региональнай социальнай стандартть сувафтоманц коряс. Проекттне, конатнень лангса мольфтеви покодема, сявсть цебярь экспертнай оценка. Синь ётксост - «Тонкая материя» проектсь, конац арьсеф демографиянь и традиционнай семьянь питнишинь кемокстамати.
Мордовиянь Правительствать Председателенц васенце полафтыец Галина Лотванова азондсь АСИ-ть мархта марс покодемать колга Национальнай социальнай инициативать механизманзон сувафтомаснон коряс.
Республикань здравоохранениянь министрсь Олег Маркин азондсь регионца диагнозонь кели нозологиянь спектрть коряс азондомань протоколть сувафтоманц колга.
Республикань региональнай сервиснай уполномоченнайсь Елена Семелева азондсь проекттнень колга, конат цебярьста ётафтфт эряфс ётай кизоть. Синь ётксост - решеният, конат шарфтфт трациционнай семьянь колга мяльхнень малапнемать од ломаттненнди идькс пингстокиге, шумбрашиснон мельге сяда лац ваномать лангс. Сюконямок республикань социальнай блокть мархта эряз покодемати тя кизоть кармайхть вановома решениятне тяфтама эряфонь ситуациятнень колга, кода «школьнай средаса аргессивнай прянь вятемань прябалась» и «шумбрашинь юмафтомась».
Тяфта жа Советть участниконза корхтасть афкоммерческяй организациятнень вастснон колга региональнай социальнай стандартть касомаса-вииямаса.
Мордовия Республикань Оцюнять пресс-службац