Мордовияста школьниксь Кирилл Данилов сяськсь «Ученик года-2017» конкурсть межрегиональнай этапсонза. Церась няфтсь инь цебярь результатт Россиянь 26 региононь представительхнень еткста.
«Кирилл Даниловонь сяськомац кемокснесы, што республикаса маштыхть асу иттнень мархта работама. Мекольдень кизотнень Мордовиянь школьникне сяка-тев сатнихть оцю стафкст всероссийскяй и международнай интеллектуальнай состязаниятнень эса, а тонафнемань кой-кона заведенияньке сувсихть странаса инь цебярьхнень еткс.
Цебярь опытсь обязательна эряви пачфнемс сембе школаньконди, касфнемок образованиять уровененц», - мярьгсь Мордовиянь Оцюнясь Владимир Волков.
Кирилл Данилов тонафни Саранскяень 20№ гимназияса, конань учениконза лама киза мельцек няфнихть оцю результатт аф фкя лацонь конкурснень эса.