Поздняков Дмитрий Александрович

Поздняков Дмитрий Александрович

Мордовия Республикань Правительствать Председателец

Адрессь: 430002, Мордовия Республикась, Саранск ошсь, Советскяй ульцясь, 35 кудсь

Телефонць: 8 (8342) 32-74-69

Концеляриясь (юридическяй лицатненди): 8 (834-2) 32-77-49; e-mail: kanc@e-mordovia.ru



Биография

Дмитрий Александрович Поздняков шачсь 1980 кизонь 27 июньцта Кочкуровскяй райононь Семилей велеса. 2003 кизоня шумордазе Н.П.Огарёвонь лемса МГУ-нь юридическяй факультетть. 2004 кизоста сявомок 2006 кизоти молемс ульсь «Норов» ООО-нь оцюнякс. Тяда меле 2008 кизоть самс работась Кочкуровскяй райононь администрацияса — васенда ульсь оцюняти васенце заместителькс — велень хозяйствань управлениянь начальникокс, а сяльде арась райононь оцюнякс. 2008 кизоня Дмитрий Поздняков меки мрдась "Агрофирма "Норов" ОАО-в, коса 2018 кизоста сявомок ульсь генеральнай директоркс.

Дмитрий Александрович - «Наставничество» проектонь, конанди авторкс арась «Монь Мордовиязе» экспертнай клубсь, участник.

Полномочия

2022 кизонь 30 майть эзда «Мордовия Республикань Правительствать колга» 21-3№ Мордовия Республикань Законць

Примаф 2022 кизонь 27 майста Мордовия Республикань Государственнай Собраниять мархта

3-це Главась. Мордовия Республикань Правительствать полномочиянза

11-це статьясь. Мордовия Республикань Правительствать основной полномочиянза

1. Мордовия Республикань Правительствать улихть праванза пяшкотькшнемс полномочият, конат канневихть Мордовия Республикать ведениянцты, конат аф свсихть Мордовия Республикань Оцюнять и Мордовия Республикань Госсобраниять компетенцияс.

2. Мордовия Республикань Правительствась:

  1. участвондай финансонь, наукань, образованиянь, здравоохранениянь, культурань, физическяй культурань и спортонь, социальнай обеспечениянь, дорожнай движениянь и экологиянь сфераса единай государственнай политикать ётафтомаса;
  2. пяшкотькшни ломанть и гражданинть праванзон и воляшинзон араламаснон, собственностть и общественнай порядкать ванфтомаснон, терроризмати и экстремизмати каршек ащемать, преступностть каршес тюремать коряс мерат;
  3. обеспечендакшнесы разработкаснон и пяшкотькшнемаснон мератнень, конат водендафт Мордовия Республикать социально-экономическяй виияфнеманксонза;
  4. пяшкотькшни мерат Российскяй Федерациянь нароттнень, конат эряйхть Мордовиять территорияса, этнокультурнай ламошиснон ванфнеманц и виияфнеманц коряс;
  5. пяшкотькшни мерат здравоохранениянь кизефкснень коряс, тяконь лувксса обеспечендакшнесы медицинскяй лезксть доступностенц, общественнай шумбрашить кемокснеманц, эряфонь шумбра койхнень вятеманкса условиянь тиендемать;
  6. пяшкотькшни населениять социальнай араламанц государственнай гарантиятнень обеспечендамаснон коряс;
  7. пяшкотькшни мерат семьять, тядятнень, алятнень и иттнень араламаснон обеспечендаманц коряс, иттнень воспитандаманкса цебярь условиянь тиендеманкса; 8) Мордовия Республикань республиканскяй бюджетть проектонц анокламац;
  8. обеспечендакшнесы Мордовия Республикань республиканскяй бюджетть пяшкотькшнеманц и аноклакшни отчет вяре азф бюджетть пяшкодеманц колга, тяконь лувксса кизефкснень коряс, конат путфт Мордовия Республикань Госсобраниять мархта, «Об общих принципах организации публичной власти в субъектах Российской Федерации» 2021 кизонь 21 декабрть эзда 414№ Федеральнай законть 8 статьять 1 пяльксонц 4 пунктонц мяльса кирдезь;
  9. вятьсы и нолясы тевс Мордовия Республикать собственностенц, а стане жа вятьсы федеральнай собственностть, кона максф Мордовия Республикати федеральнай законть мяльса кирдезь;
  10. азонкшнесы стратегическяй планированиянь документтнень анокламаснон и корректировкаснон, и примсесыне тяфтама документтнень;
  11. азонкшни мяль местнай самоуправлениянь оргаттненди, местнай самоуправлениянь должностной лицатненди тиемс Российскяй Федерациянь законодательствать лаца мархтост нолдаф правовой акттнень ся случайста, кда азф акттне ащихть каршек Российскяй Федерациянь Конституцияти, федеральнай конституционнай закоттненди, федеральнай закоттненди и Российскяй Федерациянь лия нормативнай правовой акттненди;
  12. ули законодатешльнай инициативань правац Мордовия Республикань Государственнай Собранияса;
  13. пшкятькшни Российскяй Федерациянь Конституционнай суду «О Конституционном суде Российской Федерации» 1994 кизонь 21 июнть эзда  1№ Федеральнай законть мяльса кирдезь;
  14. пяшкотькшни лия полномочият, конат ладяфт федеральнай законть, Мордовия Республикань Конституциять, Мордовия Республикань закоттнень, исполнительнай властень федеральнай оргаттнень мархта, а стане жа конат ладяфт Российскяй Федерациянь Президентть нормативнай правовой актонзон мархта.