Умарьковонь 2-це чистэ Мордовиянь Прявтонь тевтнень топавтыцясь Артём Здунов ютавтсь важодемань вастовома Мордовия Республикава Государственной регистрациянь, кадастрань ды картографиянь управлениянь од руководителенть Светлана Балесковань марто. Ваннозь исполнительной властень органтнэнь Росреестранть марто вейсэнь важодемань кевкстематне.
Кортавсть вейсэнь тевтне "гаражонь амнистиядо" федеральной закононть регионсонть топавтомадо, конась сови вийс 2021 иень таштамковонь 1-це чистэ, субъекттнэнь ютксо границятнень кемекстамодо, межмуниципальной образованиятнень ды эрямонь пунктнэнь ютксо границятнеде кевкстематне, истя жо республикасонть кадастрань важодематнень ветямодост.
Мордовиянь Прявтонь тевтнень топавтыцясь башка тешкстызе госуслугатнень доступностест кастоманть туртов электронной межведомственной вейсэнь важодемань виевгавтомань эрявиксчинть. Светлана Балескова толковизе, Росреестрась прими участия государственной ипотекань программатнень топавтомасо. "Минь ютавтынек вастовома кредитэнь организациятнень представительтнень марто «Электронная ипотека за 1 день» проектэнь топавтоманть коряс, регистрациянь киртязь шканть коряс важодемась ушодови 2021 иень умарьковонь 2-це чистэнть", - мерсь сон.
Истя жо арсеви ладямс вейсэнь важодема республикань прявт застройщиктнень марто.
Мордовия Республикань Прявтонь пресс-службась