Мордовиянь Прявтось Артём Здунов якшамковонь 13-це чистэ ульнесь Россиянь Инновационной регионтнэнь ассоциациянь члентнэнь иень промкссонть - сон ютавтовсь Гайдаронь форумонь ветямонь площадкасонть. Форумонть ветизе Россиянь Инновационной регионтнэнь ассоциациянь Советэнь (АИРР) председателесь Рустам Минниханов.
Кортамось мольсь таркатнень научно-технической виевгавтомадост ды прявт отраслятненень лездань енкстнэнь одкстомтомадост. Россиянь Федерациянь Строительствань ды жилищно-коммунальной хозяйствань министрась Ирек Файзуллин тешкстызе, 2021 иестэнть важодемань невтевкстнэнь коряс прявт программатне топавтозь сядо проценттс.
"Васняяк, те эрямо таркатнень строямось. Эрязасто одкстомтовсь федеральной законодательствась", - тешкстызе Ирек Файзуллин.
АИРР-нь прявтось Иван Федотов евтнесь 2021 иень цетавкстнэде ды 2022 иентень важодемань прявт енкстнэде, истя жо кулянь-аналитикань од продуктонть коряс - регионтнэнь тевдеемань эрьва кодат енкстнэнь коряс рейтингтнень линейкадонть.
АИРР-нь совиця субъекттнэнь прявттнэ ве мельсэ кочкизь Татарстанонь руководителенть Рустам Миннихановонь 2022 иентень Россиянь Инновационной регионтнэнь ассоциациянь Советэнь председателекс. АИРР-нь прявтокс аравтозь Иван Федотов.
Мордовия Республикань Прявтонь пресс-службась