Од ломанень правительствать пуроптоманц коряс конкурссь ётафтовсь тяддень15 апрельста сявомок 17 майти молемс кафта этапса. Конкурсонь заочнай этапса участникне няфтезь сёрматф работаснон и видеороликснон. Омбоце этапсь ульсь очнай и ётафтовсь собеседования лаца. Конкурснай комиссиясь пуроптфоль Мордовия Республикань государственнай властень исполнительнай органонь представительхнень эзда.
Кафта этапнень итогснон коряс 39 ломанть эзда, конат нолдафтольхть конкурсса участвондамати, сяськикс арасть 13-сь. Эздост и ули пуроптф республикань Од ломанень правительствась.
Мордовиянь Оцюнясь сяськихнень приветствондамста китькстазе, што Од ломанень правительствань министорхнень инголе кармайхть путневома серьёзнай задачат. «Од ломанень мисторхне должетт арамс республикань Правительствань членонь афкуксонь дублёркс, од ломанень средаса профильнай министерствань представителькс».
Мордовиянь руководительсь макссь поручения ваномс кизефксть сянь коряс, штоба од ломанень министорхнень оформляндамс помощникокс республикань исполнительнай властень профильнай органонь министорхненди.
Од ломанень министоронди кандидаттне азондсть Мордовиянь Оцюняти эсь планцнон колга. Тяда башка, васедемаса корхтафоль Од ломанень правительствать Общероссийскяй народнай фронтть од ломанень пяльксонц и «Монь Мордовиязе» экспертнай клубть мархта марстонь тевонь вятемаснон колга.
Артём Здунов арьсесь од коллеганзонды цебярь работа и штоба пяшкодеволь сембе арьсефсна.
Мордовия Республикань Оцюнять пресс-службац