Артём Здунов китькстазе: тячи ванфсь кемокстама од гразяматненди, сувафтомок пилотфтома лии аппараттнень. «Тянь сюнеда эряви нолдамс вельф мерань комплекст, конат кучфт объекттнень безопаснайшинь топафтомаснонды», - мярьгсь Артём Здунов.
Пуромксса ванфтольхть безопаснайшить коряс кизефксне майскяй илатнень пингста массовай мероприятиянь ётафтомста. Вийхнень и исполнительнай властень федеральнай оргаттнень территориальнай средстваснон таррористическяй гразяматненди каршек ащемаснон анокшиснон колга пачфтсть МР-ть коряс МВД-нь и МР-ть коряс Росгвардиянь Управлениянь представительхне. Кода тяшкстазе МР-ть коряс МВД-нь полициянь начальникть полафтыец Владислав Пинаев, 29 апрельста сявомок 12 майть самс внутренняй тевонь органонь составсь службань кандомаса ётай виияфтомань вариантти. Сявомок мяльс гразяматнень массовай мероприятиянь ётафтома вастова кармайхть покодема реагированиянь специальнай группат.
Стане жа пуромксса ванфтольхть межнациональнай и межрелигиознай сотксонь кизефксне, профилактическяй работатне ломаттнень мархта, конатне лафчт неонацизмань мяльхнень-арьсематнень и терроризмань идеологиять инголе.
«Эряви лац-ряц маладомс марстонь, адреснай и индивидуальнай профилактикань кизефкснень лангс. Культурань национальнай политикань и архивнай тевонь министерствати кода терроризмань идеологияти каршек ащемань комплекснай планонь главнай исполнительти эряви сявомс башка ванфс покоди мигранттнень мархта мероприятиянь ётафтомста. Религиознай общественай организациятне, национальнай диаспорань лидерхне, работань максыхне стане жа аф ащихть ширеса – тяни тяфтама пингсь», - китькстазе Артём Здунов.
Тяда башка, Мордовия Республикаса Анитеррористическяй комиссиянь и Оперативнай штабонь пуромксть участниконза ванозь вельф мератнень промышленнай объекттнень, топливно-энергетическяй комплексть, транспортнай инфраструктурать, образованиять, здравоохранениять и лама ломань мархта васттнень антитеррористическяй араламать касфтоманц коряс.
Мордовия Республикань Оцюнять пресс-службац