«Ётай кизось кандсь республикати всероссийскяй и международнай пялькстомаса лама сяськома – 407 аф фкя лацонь медаль, отмечазе – региононь руководительсь. – Сембе ня сяськоматне макссихть тейнек туфталхт гордостень маряманкса и арсихть примеркс од поколенияти!»
Мордовияса фалу касонды ломаттнень лувкссна, конат занцихть пря спортса – показательсь пачкодсь 51 процентти. Тяни республикаса виияфневи спортонь 23 базовай вид.
«Республикаса пуропт эсь лацонь спортивнай инфраструктурась аш кода кадондомс стак ащекшнема, меколанкт – сон должен улемс доступнай сембе эряйхненди. Массовай спортть виияфнемаса лезни «ёню» спортивнай площадкань тиендемась, ульцянь тренажёронь, воркаутонди комплексонь, ГТО-нь площадкань латцемась», - китькстазе Артём Здунов.
Мордовиянь Оцюнясь мярьгсь, што од объектонь строямась и ташттнень реконструкциясна республикаса поладови сяда тов, но китькстазе, што тиендевома тя кармай тоса, коса ули вешфкс.
Отмечафоль, што Россиянь Президентть решениянц коряс тяддень сёксеня васенцеда ётафтови инь вии спортсметтнень ёткса спортонь кизонь виттнень коряс Всероссийскяй спартакиадась. Мордовиять эзда эсонза примай участия 57 спортсмен спортонь 11 виттнень коряс. Октябрьста республикась примасы «Спорт - в село!» велень семейнай командатнень ёткса Россиянь и Белорусень Спортонь фестивальть.
Артём Здунов макссь государственнай казнет. РФ-нь Президентть Указонц мархта «За заслуги перед Отечеством» II степенень орденца казьф А.В.Мишинонь лемса спортивнай бороцямань и дзюдонь олимпийскяй резервань спортивнай школань старшай тренерсь Николай Слесарев. «Минь марясаськ республикань руководствать сембе ширдень ширень кирдеманц, сяс сатнетяма оцю результатт», - мярьгсь тренерсь, тердемок Мордовиянь Оцюнять школаснон ванома.
Россиянь Президентть Благодарностец азф Е.В.Швецовонь лемса сурдлимпийскяй и паралимпийскяй резервань спортивно-адаптивнай школань тренерти Виталий Аверкинонди, конанди стане жа максф Мордовиянь Оцюнять грантоц 2021 кизонь итокнень коряс спортса оцю сатфксонкса.
Мордовия Республикань Славань орденонь Полнай Кавалеркс арась Токиоса кизонь XVI Паралимпийскяй налхкомань сиянь призёрсь, Спортивно-адаптивнай школань спортсменць-инструкторсь Евгений Швецов. Международнай аренаса оцю спортивнай сатфксонкса Артём Здунов максозе теенза Славань I степенень орденть.
Евгений Швецов азсь благодарностень валхт сембе тренерхненди.: «Тинь макссесасть виентень, штоба тейнек улель кода няфтемс спортивнай возможностеньконь. Катк тинь трудонте фалу ули великай Россиять, великай Мордовиять панчфокс панжеманкса!»
Славань III степенень орденца казьф Олимпийскяй резервань комплекснай спортивнай школань старшай тренерсь Александр Холопов.
Мордовия Республикань Оцюнять Указонц мархта ётай кизонь итокнень коряс оцю спортивнай результатонкса казьфт Мордовиянь ведущай спортсметтне, конат няфтсть результатт миронь, Европань, Россиянь чемпионаттнень, первенстватнень, кубкатнень, Россиянь спартакиадатнень и международнай пялькстоматнень эса спортонь ся виттнень коряс, конат сувафтфт Олимпийскяй программати, спортонь паралимпийскяй и сурдлимпийскяй виттнень, а стане жа аф олмпийскяй виттнень коряс. Мордовия Республикань Оцюнять грантонзон мархта казьфт тренерхне-преподавательхне, конат заняфт 17 кизонь топодемс шабатнень анокламаса.
Мордовия Республикань Оцюнять пресс-службац