16 декабрьста Москуса Мордовиянь Оцюнясь Артём Здунов васетькшнесь Российскяй Федерациянь строямань и жилищно-коммунальнай хозяйствань министрть Ирек Файзуллинонь мархта. Корхтамась мольфтевсь «Жильё и городская среда» национальнай проектть эряфс ётафтоманц колга.
«Мордовия Республикаса мольфтеви эрьгав покодема ломаттненди эряманкса и ваймосеманкса цебярь условиянь тиендемать коряс. 2021 кизоня петьфт-мазоптфт 85 общественнай вастсь и куд пирьфсь, конат полафнесазь регионца ошнень шамаликснон. Мордовияса стане жа мольфтеви покодема колма проекттнень эряфс ётафтоманкса, конат арасть сяськикс ошса цебярь вастонь тиендемань марнек Россиянь конкурсса», - азозе Ирек Файзуллин.
«Ару ведь» федеральнай проектть коряс шумордавсь Чамзинка рабочай посёлкаса 2-це водозаборть строямац, мезсь лезды цебярьгофтомс аймаконь эряйхненди симома ведть.
Ирек Файзуллин стане жа тяшкстазе од эряма вастонь строямать и аварийнай эряма вастста ломаттнень ётафтомаснон эрявиксшинц — тянь коряс покодемась поладови сяда тов.
Васедемаса ульсь Мордовиянь Правительствать Оцюнянц полафтыец Инсаф Хайруллин.
Мордовия Республикань Оцюнять пресс-службац