Артём Здунов тяшкстазе Россельхозбанкть эрявиксшинц экономикать касфтомаса-виияфтомаса и республикать АПК-са – максови лезкс фермерхненди и бизнести.
2000 кизоста, мзярда РСХБ-сь появась Мордовияса, банксь макссь региононь экономикати пцтай 143 млрд цалковай, тяконь лувксса АПК-ти – пцтай 138 млрд цалковай. Россельхозбанксь – регионть сельскохозяйственнай секторонц кредитовандаманц коряс ащи васенце вастса, сонь лезксонц вельде эряфс нолдаф 25 оцюдонга-оцю инвестпроект.
«Корхтатама тячи сянь колга, кода мольфтеви финансовай дисциплинась – сявф ярмакнень пандомасна, синь тевс нолдамасна. И, конешна, соткснень сай пингснон колга, сядонга пяк странань Президентть пшкядеманц лангс нежедезь, сяда товолдонь марстонь оцю проекттнень эряфс нолдамасна. Тейнек эрявикст тяфтама Россельхозбанконь подпрограмматне, кода Свое Село, Свое За городом, Свое Родное, Все Свое», - мярьгсь Мордовиянь Оцюнясь.
Денис Конастантинов тяшкстазе, што сембе арьсеф марстонь проекттне нолдавихть эряфс планть коряс: тя и лофцонь од фермань тиемась, и кормань нолямась. Арьсемаса стане жа примамс участия начка кормань и комбикормань нолямать коряс проектса, саттнень одкс вихонзамасна.
«Маластонь кафта кизотнень арьсеви 35-40 % касфтомс республикань финансированиянь объёмсь, снярда кредитнай портфелень общай объёмсь саты 30 млрд цалковай, проектса участиянь объёмсь – 15 млрд цалковай. Минь аноктама лездомс эрь кодама проекттненди, конатнень республикась арьсекшни нолдамс эряфс сельскяй хозяйствань и смежнай отраслянь сфераса», - китькстазе РСХБ-нь Правлениянь Председательть полафтыец.
Эрявикс направлениясь, конань тяни вятьсы Россельхозбанксь, - агропромышленнай комплексти кадрань анокламась. Россиянь Минсельхозсь азонды од молемат кадрань анокламати, эрявикс задачасна – аф аньцек ётафнемс тонафнемат вузса, СПО-нь учрежденияса и школаса, но и максомс покодема вастт, анокламс отрасляти сатомшка специалист. Тя лезды тиемс системнай подход и максы велень школаса тонафнихненди агропромышленнай комплексу эрявикс ки.
Васедемать пингста корхтамась мольфтевсь и эряйхнень финансовай содамошиснон касфтомать коряс мероприятиянь ётафтомать, органическяй продукциянь ноляйхненди лезксонь максомать и велень территориять касфтоманц-виияфтоманц коряс госпрограммаса участиять колга.
Мордовия Республикань Оцюнять пресс-службац