Россиянь шиста од тядятнень-алятнень и иднятнень мархта васьфтьсь Мордовиянь Оцюнясь, «Единая Россия» партиять Мокшэрзянь отделениянц Секретарец Артём Здунов. Республикань руководительсь казсь семьяти прогулочнай коляска.
Артём и Елена содасть фкя фкянь Сирешайгав райононь Новотроицкое велеса. Елена – афкуксонь музыкант: декретс покодсь музыкальнай руководителькс идень садса и фортепианань классть коряс преподавателькс №1 идень музыкальнай школаса. Артём шумордазе архитектурно-строительнай факультет. Н.П. Огаревонь лемса МГУ-ть, покоди автотранспортонь петемань сферать эса.
Мишиттнень семьясна пяк эряз – мольфти эсь эряфснон колга соцсетьса лопаня, семьянь койхнень колга,а тяни и цераснон колга.
Республикань Оцюнясь приметазе, што од тядять Еленань - педагогть, ули цебярь опытоц идттнень мархта корхтамаса, тя лезды идень касфтома пингста. Эряви китькстамс, што Мишиттнень семьясна – покодемань династия: бабац Ольга Николаевна тоже педагог. Значит, касы поколениять вандыень шиц цебярь кядьса.
Шра вакса корхтасть Мишиттнень эряфснон колга. «лама идь мархта семиясь –тя оцю паваз и тяка пингть – оцю труд и нинге сяда оцю ответственность. Идтне, синь нужасна, прябаласна – шачфтыхненди фалу васенце вастсот», - мярьгсь Артём Здунов.
«Минь эряфонеке пяк полафтсь – арась сяда нинге интереснай и весела. Минь ашеме арьсе тяфтама, но цебярь,што тяфта лиссь», - мярьгсь од алясь.
Елена азондозе, што од идень транспортсь пяк теждялгафтсы синь эряфснон. «Инголи минь шарондоме аньцек кудпирьфса, а тяни тейнек кармай сяда теждя якамс, коза-бди ардомс. Кунара ни арьсеме церанятненди коляскать колга», - сюконясь сон казнеть инкса.
«Катк тинь идентте касыхть шумбраста и кенярьфнетедязь эсь сатфксснон мархта! Кеме шумбраши, шарьхкодема фкя фкянь ёткса и пара эряф!» - арьсесь республикань руководительсь
Лятфтасаськ, што 2024 кизось Россиянь Президентть мяленц коряс лемтьф Семьянь кизокс. Тяда башка, минь регионнеке тя кизоть чествовандай и семиянь трудовой династиятнень.
Мордовия Республикань Оцюнять пресс-службац