Исайкиттне – кеме и цебярь семьянь аф куксонь кепотькс: кельгсазь марс ётафнемс досугть, якамс музейга, занимандамс эряз спортонь видса, лездыхть и кирдихть фкя фкянь сембе тефнень эса. Тядясь-алясь тяряфнихть максомс иттненди цебярь воспитания и образования – ламоцне школаса тонафнемать мархта фкя пингста получсихть дополнительнай образования, шарфнихть мяль музыкать лангс.
Февральста, Россиянь Президентть мархта лемтьф семьянь Кизоть панжемста, Ольга Петровна пшкядсь республикать руководителенцты эняльдема мархта - лездомс церанзонды скрипкань рамама тевса. Артём Здунов пяшкодезе Ольга Петровнань эняльксонц – иттненди ульсть рамафт колма инструментт.
Мордовскяй и Саранскяй митрополитсь Зиновий, конац тонафнесь скрипкаса налхкомать коряс класса, ётнесь стажировка Московскяй государственнай консерваторияса и кой мзяра пинге покодсь тоса музыкань преподавателькс, примась эряз участия ладямань тевть эса.
Шумбракстомок Исайкиттнень семьяснон, Мордовиянь Оцюнясь китькстазе, што тячи традиционнай духовно-нравственнай и семьянь питнишитне пяк эрявихть обществати, а синь васенце кирдисна – тя кеме, лама идь мархта семьясь.
Ольга Исайкина азондозе, што васенцексне скипкаса налкома тонадсть оцю стиренза Ирина и Анна – синь тонафнесть музыкальнай школаса. Тяни стирхне тонафнихть Н. П. Огаревонь лемса медицинскяй институтть ветеце курсса. Сазорхнень мельзе ушедсть и оцю цераттне – Петя и Витя. Кефкие ломань Исайкиттнень семияста налкихть музыкальнай инструментса.
Семьянь тефнень, тонафнемаса сатфкснень колга корхтамаста ульсь ётаф приятнайти – казнень максомати. Васенце инструментть получазе Виктор – Л. П. Кирюковонь лемса Саранскяень музыкальнай училищань струнно-смычковай отделениянь студентсь. Эсь налхкоманц од инструментть мархта – великай композиторть Иоганн Себастьян Бахть произведениянц – сон лемдезе аф кунардонь «Крокус Сити Холлса» трагедиять жертванзон мялямснонды. Ёмлать, Ильянь музыкальнай маштомадонза аф ламода сяда кржа,но тя и шарьхкотьф – сон нинге аньцек тонафни музыкальнай школаса.
Васедемать шумордамста Артём Здунов арьсесь семьяти эряфонь сембе паротнень, а ёмла музыкаттненди – музыкальнай поприщаса сатфкст.
Мордовия Республикань Оцюнять пресс-службац