6 майста Москуса етась Мордовиянь Оцюнять аф лама пингс тевонзон тиендиснон Артём Здуновонь и Россиянь Правительствать Председателенц заместителенц Татьяна Голиковать рабочай васедемасна. Васедемаса примась участия Мордовиять эзда Государственнай Думань депутатсь, Безопасностть и коррупциять каршес ащемать коряс комитетть председателец Василий Пискарев. Корхтафоль здравоохраненияса и образованияса республикать виияфнеманц колга.
Тяфта, корхтафоль онкологияса сярядихненди медицинскяй лезксть максоманц цебярьгофнеманц и инфекционнай службать виияфнеманц колга.
Образованияса корхтафоль Саранскяйть юго-западнай пялькссонза од школать строяманц, уроз иттнень эряма вастса обеспечендамаснон, Светотехстройса коррекционнай общеобразовательнай школать-интернатть строяманц шумордаманц квалма.
Татьяна Голикова сембе кизефкснень сявозень ваномс и целайнек Мордовия Республикать проектонзон ширеснон кирдезе.
Мордовия Республикань Оцюнять пресс-службац